Innlent

Innbrotsþjófar á hlaupum í miðbænum

Kristín Ólafsdóttir skrifar
Báðir þjófarnir hlupu á brott.
Báðir þjófarnir hlupu á brott. Vísir/vilhelm

Innbrotsþjófur, sem braust inn í heimili í miðbæ Reykjavíkur á sjöunda tímanum í gær, tók á rás út úr húsinu þegar hann varð var við íbúa. Í dagbók lögreglu segir að maðurinn hafi náð að taka einhverja muni með sér en að ekki sé vitað hverju var stolið.

Þá kom starfsmaður fyrirtækis í miðbænum að manni inni á skrifstofu fyrirtækisins, þar sem hann var í þann mund að stela fartölvu sem þar var. Þjófurinn náði að hlaupa út án tölvunnar. 

Seint í nótt var tilkynnt um innbrot í „tónlistarhús í hverfi 101“, líkt og það er orðað í dagbók lögreglu. Öryggisverðir höfðu þar orðið varir við manneskju á ferli. Um var að ræða heimilislausa konu sem sofnað hafði inni í húsinu og var komin á stjá. 

Í dagbók lögreglu segir að konan hafi sagst hafa farið inn í húsið í gærkvöldi en síðan sofnað. Þá hafi hún ætlað að koma sér út er lögregla kom á vettvang.

Þá var starfsmaður póstþjónustu að fara með sendingu í hús í Mosfellsbæ þegar hundur réðst að honum og beit hann. Maðurinn ætlaði að leita sér aðstoðar á slysadeild.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.