Innlent

Handtekinn með þýfi á leið úr landi

Kristín Ólafsdóttir skrifar
Farþeginn var einnig með dýran merkjafatnað í fórum sínum.
Farþeginn var einnig með dýran merkjafatnað í fórum sínum.

Lögregla á Suðurnesjum handtók ökumann og farþega bíls í umdæminu um helgina. Sá fyrrnefndi er grunaður um ölvunar- og fíkniefnaakstur og báðir eru mennirnir grunaðir um þjófnað.

Farþeginn var á leið í flug, að því er segir í tilkynningu lögreglu. Hann er sagður hafa verið með fjölmargar ilmvatnsflöskur, enn í pakkningunum, sem grunur leikur á að séu þýfi. Þá var maðurinn einnig með dýran merkjafatnað í fórum sínum, svo og íslenskt ökuskírteini sem eigandinn hafði tilkynnt stolið.

Í tilkynningu segir að maðurinn hafi ekki getað sýnt greiðslukvittanir fyrir varningnum sem hann var með. Þá segir að mennirnir hafi báðir komið við sögu lögreglu vegna ætlaðrar brotastarfsemi hér á landi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.