Vörubíll og fólksbíll rákust saman í Suðursveit

Hringveginum hefur verið lokað rétt við Hala í Suðursveit þar sem að vörubifreið og fólksbifreið sem komu úr gagnstæðum áttum rákust saman.

Lögreglan á Suðurlandi greinir frá því í færslu á Facebook síðu sinni að tvennt hafi verið í fólksbifreiðinni og séu þau bæði slösuð en þó með meðvitund. Meiðsli ökumanns vörubílsins munu vera minni.

Þyrla Landhelgisgæslunnar var kölluð á slysstað og stendur til að flytja hin slösuðu frá Hala til Reykjavíkur um borð í þyrlunni. Sjá má færsluna í heild sinni hér að neðan.

Fréttin hefur verið uppfærð.