Bílar

Lamborghini kynnir nýjan ofurbíl í myndbandi

Kristinn Ásgeir Gylfason skrifar
Lamborghini setur markið á Ferrari FXX með nýjum bíl.
Lamborghini setur markið á Ferrari FXX með nýjum bíl. Getty

Akstursíþróttadeild Lamborghini, Squadra Corse er að vinna að brautarútgáfu af Aventador. Myndband af bílnum er í fréttinni.

Lamborghini vill með þessum bíl skora á hólm Ferrari með sinn FXX bíl. Óstaðfestar fregnir herma að Lamborghini-inn sem gengur undir nafninu SVR muni fá 6,5 lítra V12 vél sem skilar um 818 hestöflum.

Um er að ræða nýja yfirbyggingu. Útlínurnar eru ekki í miklum takti við Aventador, sem er þó grunnurinn að þessum bíl.

Samkvæmt yfirmanni Lamborghini, Stefano Domenicali er hugsanlegt að bíllinn verði skráður til leiks í Le Mans keppnina, sennilega 2021.

Le Mans er sólarhringskappakstur þar sem bílaframleiðendur etja kappi sín á milli. Oft er það áreiðanleiki fremur en hreinn og beinn hraði sem ræður úrslitum þar.

Reglur keppninnar eru þó strangar og því er líklegt að sá bíll sem færi til Le Mans í Frakklandi yrði nánast löglegur götubíll. SVR af þeirri gerð sem sést í myndbandinu er ekki ætlað að vera löglegur á götum úti. Hann á eingöngu að vera á kappakstursbrautum.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.