Í dag má búast við norðaustan strekkingi víðast hvar og skúrum eða slydduéljum á Norðausturlandi. Annars verður bjartviðri og hiti á bilinu 1 til 8 stig að deginum en víða vægt næturfrost norðan- og austanlands.

Á morgun og laugardag er von á hæðarhrygg með hæglætisveðri, þurrt að kalla víðast hvar, en dálítilli vætu sunnanlands. Á sunnudag snýst svo í suðlæga átt með rigningu á vestanverðu landinu.

Veðurhorfur á landinu næstu daga

Á laugardag:

Hæg vestan átt og víða bjartviðri, en skýjað um vestanvert landið, og dálítil væta á Suðurlandi. Hiti 1 til 6 stig yfir daginn.

Á sunnudag:

Suðvestan 8-13 m/s og rigning, en hægari og þurrt austanlands. Hiti 0 til 7 stig, hlýjast syðst.

Á mánudag:

Suðlæg átt 8-13 m/s rigning í flestum landshlutum. Hiti breystist lítið. Hvessir af norðri með snjókomu norðvestantil um kvöldið og kólnar.

Á þriðjudag:

Útlit fyrir hvassa norðanátt með snjókomu um norðanvert landið en þurrt sunnantil. Frost 1 til 6 stig, en hiti um og yfir frostmarki sunnanlands.

Á miðvikudag:

Norðanátt og él norðantil á landinu en léttskýjað á suðurhelmingi landsins. Frost 2 til 7 stig.