Tugir látnir í lestarslysi í Austur-Kongó
Fimmtíu manns hið minnsta eru látnir eftir lestarslys í Tanganjíka-héraði í suðausturhluta Austur-Kongó.
Al Jazeera segir frá því að lestin hafi farið út af sporinu klukkan þrjú að staðartíma í nótt, nærri bænum Mayibaridi.
Steve Mbikayi, ráðherra mannúðarmála í landinu, segir að 23 til viðbótar hafi slasast í slysinu.
Ráðherrann hefur sent aðstandendum hinna látnu samúðarkveðjur á Twitter.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
