Innlent

Hvetja íbúa til að festa niður trampólín

Eiður Þór Árnason skrifar
Lögreglan á Norðurlandi eystra varar við „fljúgandi“ trampólínum.
Lögreglan á Norðurlandi eystra varar við „fljúgandi“ trampólínum. Vísir/Vilhelm
Lögreglan á Norðurlandi eystra hvetur íbúa í umdæminu til að binda niður trampólín og aðra lauslega muni. Þetta kemur fram í tilkynningu frá lögreglunni í kjölfar þess að henni bárust tilkynningar um „fljúgandi“ trampólín í dag, eins og það er orðað í skeyti lögreglu.



Í ljósi þessa telur Lögreglan á Norðurlandi eystra við hæfi að minna fólk á að festa trampólín sín vel niður og ganga frá þeim svo þau fari ekki á flakk.



Þó nokkuð hvassviðri hefur sést á Norðurlandi í dag og spáði Veðurstofa strekkingsvindi víða á landinu, þar á meðal suðvestan átta til fimmtán metrum á sekúndu á Norðurlandi eystra. Þar á að lægja með kvöldinu ef marka má spá Veðurstofunnar.

Tengd skjöl


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.