Tróð yfir lögreglumann í fullum klæðum

Það er ekki allir sem fá tækifæri til að troða yfir lögreglumann en YouTube stjarnan Tristan Jass nýtti það tækifæri til fullnustu á dögunum.

Tristan Jass er fínasti körfuboltamaður allavega þegar kemur að allskyns brellum sem henta vel fyrir myndbönd hans.

Einn daginn bauðst honum að spila leik á móti fullklæddum lögreglumanni úr Mount Pleasant lögreglunni.

Lögreglumaðurinn sér eflaust eftir því núna því Tristan Jass tróð yfir hann með tilþrifum og skellti því síðan inn á samfélagsmiðla sína.

Þessi troðsla Tristan Jass var nánast lögreglumál eins og einhver góður maður hefði komist að orði en hann slapp samt við það að vera handtekinn.

Troðsluna má sjá hér fyrir neðan.

The long arm of the law couldn't stop this dunk

(via @TristanJass) pic.twitter.com/vy90iFDxG4

— SportsCenter (@SportsCenter) August 11, 2019

Það fylgir reyndar sögunni að lögreglumaðurinn var búinn að troða nokkrum sinnum sjálfur yfir Tristan þegar kom að troðslu leiksins.

Hér fyrir neðan má sjá meira af þessum leik stráksins við lögreglumanninn sem lætur það líklega vera að bjóða í einn á einn á næstu vakt sinni.