Erlent

Skaut þjón til bana vegna samloku

Andri Eysteinsson skrifar
París er höfuðborg Frakklands, árásin varð í úthverfi borgarinnar.
París er höfuðborg Frakklands, árásin varð í úthverfi borgarinnar. Getty/Mike Hewitt

28 ára gamall franskur þjónn var skotinn til bana af óþolinmóðum viðskiptavin, síðastliðið föstudagskvöld. Atvikið varð á pizzu- og samlokustað í Noisy-le-Grand úthverfi frönsku höfuðborgarinnar, Parísar. Sky greinir frá.

Samkvæmt vitnum að árásinni missti morðinginn þolinmæðina þar sem að honum fannst hann hafa beðið of lengi eftir samloku sem hann hafði pantað á staðnum. Greip hann þá til þess ráðs að skjóta þjóninn í öxlina með skammbyssu sem varð til þess að hann lést.

Morðinginn flúði af vettvangi og leit er hafin að honum samkvæmt upplýsingum sem franska lögreglan veitti AFP.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.