Eldri en faðir samherja síns

Vince Carter, elsti leikmaður NBA-deildarinnar, ætlar að spila eitt tímabil í viðbót áður en hann leggur skóna á hilluna. Hann hefur skrifað undir eins árs samning við Atlanta Hawks.

Carter er fæddur 26. janúar 1977 og er 42 ára. Hann er langelsti leikmaður Atlanta en sá næstelsti, Evan Turner, er þrítugur.

Til marks um hversu „aldraður“ Carter er þá er hann eldri en faðir Trae Young, skærustu stjörnu liðsins.

Faðir Youngs, Rayford Young, fæddist 5. nóvember 1977 og er því rúmum níu mánuðum yngri en Carter.

Vince Carter is older than Trae Young's dad. Carter, 42, was born Jan. 26, 1977, while Rayford Young, 41, was born Nov. 5, 1977. #SCFacts (h/t auvenir/reddit) pic.twitter.com/TfDh530uxV

— SportsCenter (@SportsCenter) August 6, 2019

Þegar Carter var valinn í nýliðavalinu 1998 var Trae Young ekki enn fæddur. Nýliðavalið 1998 fór fram 24. júní en Young kom í heiminn 19. september 1998.

Vince Carter was drafted on June 24, 1998

Trae Young was born on September 19, 1998

Now they're teammates in Atlanta pic.twitter.com/Yicw8mhxkR

— SB Nation (@SBNation) July 25, 2018

Tímabilið í vetur verður það 22. hjá Carter í NBA. Hann bætir þar með met Dirks Nowitzki, Kevins Garnett, Kevins Willis og Roberts Parish sem léku allir 21 tímabil í deildinni.

Auk Atlanta hefur Carter leikið með Toronto Raptors, New Jersey Nets, Orlando Magic, Phoenix Suns, Dallas Mavericks, Memphis Grizzlies og Sacramento Kings á ferlinum.