Hleyptu fjölda miðalausra gesta inn á ballið til að koma í veg fyrir stórslys Vésteinn Örn Pétursson skrifar 8. júlí 2019 15:00 Eins og sjá má var mikill fjöldi saman kominn á viðburðinum. Mummi Lú/Lopapeysan Skipuleggjendur Lopapeysunnar, árlegs balls á Akranesi, segja gæslufólk hafa sýnt hárrétt viðbrögð þegar hundruðum miðalausra gesta var hleypt inn á ballið til þess að létta á troðningi fyrir utan ballið. Ballið er hluti af bæjarhátíð Akraness, Írskum dögum. Skipuleggjendur telja að hafa verði í huga aukna aðsókn aðkomufólks þegar framtíðarmynd Lopapeysunnar er teiknuð upp. Engin mál hafa verið kærð til lögreglu eftir helgina. Þétt dagskrá og blíðskaparveður á Akranesi virðist hafa laðað talsvert fleiri á Írska daga á Akranesi dagana 4.-7. júlí, en aldrei hefur jafn mikill fjöldi sótt bæjarhátíð Skagamanna eins og síðustu helgi.Gæslufólk brást skjótt við Helgi Pétur Ottesen, rannsóknarlögreglumaður á Akranesi, segir helgina hafa farið vel fram. Þrátt fyrir mikinn eril hjá lögreglu yfir hátíðina hafi henni ekki borist neinar kærur vegna mála á hátíðinni, að minnsta kosti ekki að svo stöddu. Eins segir Helgi Pétur að almennt hafi verið lítið um ofbeldis- og fíkniefnamál. Eitthvað var um ölvunarakstur, en þá helst hjá fólki sem hélt of snemma af stað út í umferðina eftir áfengisneyslu kvöldið áður. Til tíðinda dró þegar kom að Lopapeysunni, árlegu balli sem haldið er á laugardagskvöldinu í kjölfar brekkusöngsins sívinsæla, sem í ár var stýrt af Ingólfi Þórarinssyni. Uppselt var á viðburðinn og útlit fyrir að færri kæmust að en vildu. Gæslufólk á svæðinu þurfti þó að bregða á það ráð að opna hlið Lopapeysunnar vegna troðnings við inngang ballsvæðisins. Ísólfur Haraldsson, einn skipuleggjenda Lopapeysunnar, þakkar réttum viðbrögðum starfsmanna gæslunnar fyrir að engin stórslys urðu á fólki.Birgitta Haukdal var á meðal þeirra listamanna sem hélt uppi stuðinu.Mummi Lú/LopapeysanÁhuginn mikill eftir að sölu lauk Ísólfur segir í samtali við Vísi að sprenging hafi orðið í áhuga utanbæjarfólks á viðburðinum í ár. Hátt í tólf þúsund IP-tölur hafi skoðað síðu Lopapeysunnar á miða.is eftir að netsölu á viðburðinn lauk á laugardeginum. Hann segir sama fjölda miða hafa verið í boði í og í fyrra, þrjú þúsund stykki. Nú hafi miðarnir hins vegar selst upp fyrir ballið, en venjulega hafa um 800 til þúsund miðar verið í sölu við hurð. Eins og áður segir tók gæslufólk þá ákvörðun að opna hlið Lopapeysunnar með það fyrir augum að leysa úr gríðarlegum troðningi sem myndast hafði fyrir utan viðburðinn. Þannig hafi ekki verið unnt að skanna miða þeirra gesta sem komust inn meðan á mesta troðningnum stóð. Þá er einnig ljóst að einhver þeirra sem hleypt var inn hafi verið án miða.Mannhaf í brekkusöngnum.AðsendÍsólfur segist sérstaklega þakklátur þeim viðbragðsaðilum sem komu að Lopapeysunni. „Ég er þakklátur öllu því góða fólki sem kom að þessum viðburði sem leysti allt sem upp kom hundrað prósent, stórslysalaust.“ Skoða þurfi framtíð Lopapeysunnar Ísólfur segir skipuleggjendur Lopapeysunnar, sem nú hafa staðið á bak við viðburðinn í 16 ár, þurfa að meta í hvaða mynd hún verður á komandi árum. „Lopapeysan var allt í einu bara 16 ára barn sem að passaði ekki lengur í buxurnar sínar. Nú þarf bara að taka ákvörðun um hvernig framhaldið er. Þetta hefur fengið að vera svolítið lókal viðburður þar sem að Skagamenn bjóða vinum sínum og brottfluttir Skagamenn koma,“ segir Ísólfur. Nú standi skipuleggjendur hins vegar frammi fyrir því að ákveða hvernig framtíð Lopapeysunnar verður háttað. „En þetta er náttúrulega bara verkefni. Þetta hefur verið frábær hátíð frá upphafi og alltaf gengið rosalega vel, gríðarleg ánægja. Nú er bara spurningin í hvaða átt við eigum að fara með þetta.“ Akranes Tónlist Mest lesið Sagði frá fyrirætlunum sínum í SMS-i fyrir morðið Erlent „Þetta var vissulega ekki í starfslýsingunni“ Innlent „Ég mun ekki sjá eftir honum“ Innlent Drápu þrjá í annarri árás á meinta smyglara Erlent Bandaríkin lýstu yfir fullum stuðningi við fyrirætlanir Ísraelsstjórnar Erlent Ísland ekki óhult ef til átaka kemur í Evrópu Innlent Hefur ekki áhyggjur af svindli með nýju námsmati Innlent Þrjú innbrot og alltaf fúlsað við verkunum: „Þetta er kannski smá yfirlýsing“ Innlent Kallar eftir náðun Kouranis og brottvísun strax á morgun Innlent Losnar fyrr og fær ekki að koma aftur í 30 ár Innlent Fleiri fréttir „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Oddvitarnir ætla sér stóra hluti eftir átta mánuði Loka fyrir heitt vatn vegna leka á Bústaðavegi Tvíburarnir fengu ár í viðbót Hlaut náttúruverndarviðurkenningu Sigríðar í Brattholti Vara við svikapóstum um ólöglegar klámsíður og reikninga frá raforkusölum Baráttunni lauk með íslenskum ríkisborgararétti Er með hugmynd að nafni sem gæti vel gengið Bein útsending: Umhverfisþing 2025 Hells Angels á Íslandi hafi aukið umsvif sín og sýnileika Losnar fyrr og fær ekki að koma aftur í 30 ár Komið gott af borgarmálum og meirihlutaslit hafi engin áhrif Töldu nauðsynlegt að taka fast á Hells Angels og Kourani fær endurkomubann Ætlar sér formennsku hjá ungum Sjálfstæðismönnum Úr inniskónum og yfir í hringiðu heimsmálanna Þórdís Lóa ætlar ekki fram Ölvaðir og í annarlegu ástandi Farmur flugvélaeldsneytis hafi ekki uppfyllt gæðastaðla Þjófur fúlsaði við málverkunum en tók nóg af bjór Sjá meira
Skipuleggjendur Lopapeysunnar, árlegs balls á Akranesi, segja gæslufólk hafa sýnt hárrétt viðbrögð þegar hundruðum miðalausra gesta var hleypt inn á ballið til þess að létta á troðningi fyrir utan ballið. Ballið er hluti af bæjarhátíð Akraness, Írskum dögum. Skipuleggjendur telja að hafa verði í huga aukna aðsókn aðkomufólks þegar framtíðarmynd Lopapeysunnar er teiknuð upp. Engin mál hafa verið kærð til lögreglu eftir helgina. Þétt dagskrá og blíðskaparveður á Akranesi virðist hafa laðað talsvert fleiri á Írska daga á Akranesi dagana 4.-7. júlí, en aldrei hefur jafn mikill fjöldi sótt bæjarhátíð Skagamanna eins og síðustu helgi.Gæslufólk brást skjótt við Helgi Pétur Ottesen, rannsóknarlögreglumaður á Akranesi, segir helgina hafa farið vel fram. Þrátt fyrir mikinn eril hjá lögreglu yfir hátíðina hafi henni ekki borist neinar kærur vegna mála á hátíðinni, að minnsta kosti ekki að svo stöddu. Eins segir Helgi Pétur að almennt hafi verið lítið um ofbeldis- og fíkniefnamál. Eitthvað var um ölvunarakstur, en þá helst hjá fólki sem hélt of snemma af stað út í umferðina eftir áfengisneyslu kvöldið áður. Til tíðinda dró þegar kom að Lopapeysunni, árlegu balli sem haldið er á laugardagskvöldinu í kjölfar brekkusöngsins sívinsæla, sem í ár var stýrt af Ingólfi Þórarinssyni. Uppselt var á viðburðinn og útlit fyrir að færri kæmust að en vildu. Gæslufólk á svæðinu þurfti þó að bregða á það ráð að opna hlið Lopapeysunnar vegna troðnings við inngang ballsvæðisins. Ísólfur Haraldsson, einn skipuleggjenda Lopapeysunnar, þakkar réttum viðbrögðum starfsmanna gæslunnar fyrir að engin stórslys urðu á fólki.Birgitta Haukdal var á meðal þeirra listamanna sem hélt uppi stuðinu.Mummi Lú/LopapeysanÁhuginn mikill eftir að sölu lauk Ísólfur segir í samtali við Vísi að sprenging hafi orðið í áhuga utanbæjarfólks á viðburðinum í ár. Hátt í tólf þúsund IP-tölur hafi skoðað síðu Lopapeysunnar á miða.is eftir að netsölu á viðburðinn lauk á laugardeginum. Hann segir sama fjölda miða hafa verið í boði í og í fyrra, þrjú þúsund stykki. Nú hafi miðarnir hins vegar selst upp fyrir ballið, en venjulega hafa um 800 til þúsund miðar verið í sölu við hurð. Eins og áður segir tók gæslufólk þá ákvörðun að opna hlið Lopapeysunnar með það fyrir augum að leysa úr gríðarlegum troðningi sem myndast hafði fyrir utan viðburðinn. Þannig hafi ekki verið unnt að skanna miða þeirra gesta sem komust inn meðan á mesta troðningnum stóð. Þá er einnig ljóst að einhver þeirra sem hleypt var inn hafi verið án miða.Mannhaf í brekkusöngnum.AðsendÍsólfur segist sérstaklega þakklátur þeim viðbragðsaðilum sem komu að Lopapeysunni. „Ég er þakklátur öllu því góða fólki sem kom að þessum viðburði sem leysti allt sem upp kom hundrað prósent, stórslysalaust.“ Skoða þurfi framtíð Lopapeysunnar Ísólfur segir skipuleggjendur Lopapeysunnar, sem nú hafa staðið á bak við viðburðinn í 16 ár, þurfa að meta í hvaða mynd hún verður á komandi árum. „Lopapeysan var allt í einu bara 16 ára barn sem að passaði ekki lengur í buxurnar sínar. Nú þarf bara að taka ákvörðun um hvernig framhaldið er. Þetta hefur fengið að vera svolítið lókal viðburður þar sem að Skagamenn bjóða vinum sínum og brottfluttir Skagamenn koma,“ segir Ísólfur. Nú standi skipuleggjendur hins vegar frammi fyrir því að ákveða hvernig framtíð Lopapeysunnar verður háttað. „En þetta er náttúrulega bara verkefni. Þetta hefur verið frábær hátíð frá upphafi og alltaf gengið rosalega vel, gríðarleg ánægja. Nú er bara spurningin í hvaða átt við eigum að fara með þetta.“
Akranes Tónlist Mest lesið Sagði frá fyrirætlunum sínum í SMS-i fyrir morðið Erlent „Þetta var vissulega ekki í starfslýsingunni“ Innlent „Ég mun ekki sjá eftir honum“ Innlent Drápu þrjá í annarri árás á meinta smyglara Erlent Bandaríkin lýstu yfir fullum stuðningi við fyrirætlanir Ísraelsstjórnar Erlent Ísland ekki óhult ef til átaka kemur í Evrópu Innlent Hefur ekki áhyggjur af svindli með nýju námsmati Innlent Þrjú innbrot og alltaf fúlsað við verkunum: „Þetta er kannski smá yfirlýsing“ Innlent Kallar eftir náðun Kouranis og brottvísun strax á morgun Innlent Losnar fyrr og fær ekki að koma aftur í 30 ár Innlent Fleiri fréttir „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Oddvitarnir ætla sér stóra hluti eftir átta mánuði Loka fyrir heitt vatn vegna leka á Bústaðavegi Tvíburarnir fengu ár í viðbót Hlaut náttúruverndarviðurkenningu Sigríðar í Brattholti Vara við svikapóstum um ólöglegar klámsíður og reikninga frá raforkusölum Baráttunni lauk með íslenskum ríkisborgararétti Er með hugmynd að nafni sem gæti vel gengið Bein útsending: Umhverfisþing 2025 Hells Angels á Íslandi hafi aukið umsvif sín og sýnileika Losnar fyrr og fær ekki að koma aftur í 30 ár Komið gott af borgarmálum og meirihlutaslit hafi engin áhrif Töldu nauðsynlegt að taka fast á Hells Angels og Kourani fær endurkomubann Ætlar sér formennsku hjá ungum Sjálfstæðismönnum Úr inniskónum og yfir í hringiðu heimsmálanna Þórdís Lóa ætlar ekki fram Ölvaðir og í annarlegu ástandi Farmur flugvélaeldsneytis hafi ekki uppfyllt gæðastaðla Þjófur fúlsaði við málverkunum en tók nóg af bjór Sjá meira