Sátu hjá vegna vafa um innviðagjald
Fulltrúar Sjálfstæðisflokksins og Miðflokksins sátu hjá við afgreiðslu samninga við lóðarhafa um uppbyggingu íbúðarhúsnæðis á Ártúnshöfða og við Elliðaárvog.
Fram kemur í bókun fulltrúanna á fundi borgarráðs í gær að á sama tíma og þeir fagni uppbyggingu íbúðarhúsnæðis setji þeir fyrirvara um innviðagjald.
Fram kemur í samningunum að lóðarhafi samþykki að taka þátt í enduruppbyggingu svæðisins og innviða.
Segir í bókuninni að innviðagjaldið komi til með að hafa bein áhrif á hækkun kaup- og leiguverðs íbúðanna sem hafi þá bein áhrif á vísitölu neysluverðs.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
