Segir að engin gögn bendi til afskipta Rússa
Engin sönnunargögn benda til þess að utanaðkomandi aðilar á borð við rússnesk stjórnvöld hafi nýtt sér samfélagsmiðilinn Facebook til þess að hafa óeðlileg afskipti af þjóðaratkvæðagreiðslu Breta um útgöngu úr Evrópusambandinu sumarið 2016. Þetta sagði Nick Clegg, samskiptastjóri Facebook og fyrrverandi varaforsætisráðherra Breta, í gær.
Að sögn Cleggs hefur Facebook tvisvar tekið hugmyndir um afskipti Rússa af atkvæðagreiðslunni sérstaklega til skoðunar. Sú greining hefur ekki skilað neinum gögnum sem renna stoðum undir þá kenningu, að sögn Bretans.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
