Erlent

Rauð viðvörun vegna hitans

Gunnar Reynir Valþórsson skrifar
Barn kælir sig niður í hitanum í frönsku borginni Toulouse.
Barn kælir sig niður í hitanum í frönsku borginni Toulouse. Getty/Alain Pitton
Líklegt er talið að hitamet verði slegið í Frakklandi síðar í dag en þá gæti hitinn farið vel yfir 44 gráður í landinu.



Fyrra met er 44,1 stig og hefur það staðið frá árinu 2003 þegar mikil hitabylgja gekk yfir landið þar sem þúsundir létu lífið vegna hitans.



Nú stefnir í svipað ástand og hefur franska veðurstofan í fyrsta sinn í sögu landsins sett efsta varúðarstig, rauða viðvörun, í gang í fjórum héruðum í suðurhluta landsins. Annars staðar í landinu er viðbúnaður á næsthæsta stigi.



Í öðrum Evrópulöndum er ástandið lítið skárra. Í Þýskalandi, Póllandi og Tékklandi hafa hitamet fyrir júnímánuð þegar verið slegin og í Katalóníu á Spáni berjast menn við mestu skógarelda í manna minnum.

Tengd skjöl


Tengdar fréttir

Hitametin falla á meginlandinu

Hitinn á enn að hækka víða á meginlandi Evrópu í dag. Varað er við hættu á skógareldum og ógn við heilsu manna.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.