Innlent

Nóg að gera á Akureyri á Þjóðhátíðardaginn

Andri Eysteinsson skrifar
Það verður nóg að gera á Akureyri á morgun.
Það verður nóg að gera á Akureyri á morgun. Aðsend/Ragnar Hólm Ragnarsson

Þjóðhátíðardagurinn verður haldinn hátíðlegur víða um land á morgun, 17. júní. Mikið verður um dýrðir í bæjarfélögum landins og er Akureyri þar engin undantekning.

Hátíðardagskrá hefst á Akureyri í Lystigarðinum klukkan 13:00, Kvennakór Akureyrar mun taka lagið, Lúðrasveit Akureyrar verður á staðnum, ungskáldið Anna Kristjana Helgadóttir les ljóð og Ásthildur Sturludóttir, bæjarstjóri, flytur ávarp.

Klukkan 14 er svo komið að skrúðgöngu frá Lystigarðinum að Ráðhústorgi. Lögregla, Lúðrasveit Akureyrar og Skátafélagið Klakkur leiða gönguna og þegar á Ráðhústorgið er komið hefst þar Fjölskyldu- og hátíðardagskrá.

Fjallkonan flytur þar ávarp á meðan gestir geta gætt sér á Lýðveldisköku í tilefni 75 ára afmælis lýðveldisins.

Þegar á kvöld er komið verður boðið upp á ýmis tónlistaratriði á Ráðhústorgi og munu til að mynda Hvanndalsbræður halda uppi stuðinu frá 23 til miðnættis.

Ljóst er að það verður mikið fjör á Akureyri á morgun, Þjóðhátíðardaginn sjálfan.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.