Veszprem spilar til úrslita í Meistaradeild Evrópu í handbolta eftir sigur á Kielce í undanúrslitunum í dag.



Ungverska liðið vann 33-30 sigur en jafnt hafði verið með liðunum 13-13 í hálfleik.



Veszprem byrjaði leikinn betur og komst í 4-0 áður en Kielce setti fyrsta markið á 7. mínútu leiksins. Kielce kom hins vegar til baka og jafnaði í 8-8 þegar langt var liðið á fyrri hálfleik.



Veszprem tók yfirhöndina strax í upphafi seinni hálfleiks en Kielce var þó ekki langt á undan. Eftir um tíu mínútna leik í seinni hálfleik tók Veszprem á sprett og gerði fjögur mörk í röð, staðan orðin 22-18.



Það forskot létu Ungverjarnir ekki eftir og fóru þeir að lokum með þriggja marka sigur.



Veszprem mætir annað hvort Barcelona eða Vardar í úrslitaleiknum á morgun.