„Kvalabandalagið“ greiddi lækni til að gera lítið úr hættu ópíóíða Kjartan Kjartansson skrifar 2. júní 2019 11:00 Guido Fanelli færður á lögreglustöð í Parma. Hann var handtekinn í umfangsmiklum aðgerðum lögreglu vorið 2017. AP/Marco Vasini Bandarískt lyfjafyrirtæki sem var sektað um tugi milljarða króna fyrir að afvegaleiða almenning um hversu ávanabindandi ópíóíaðar væru er á meðal hóps fyrirtækja sem greiddi þekktum ítölskum lækni til að hjálpa þeim að hagnast á verkalyfjunum í Evrópu. Læknirinn stærði sig af því hversu vel hann stæði sig í að tala máli hópsins sem hann nefndi „kvalabandalagið“. Ítalska lögreglan komst fyrst á spor Guido Fanelli þegar hún rannsakaði annað mál árið 2015. Fanelli var þá landsþekktur og fastagestur í fjölmiðlum. Sem yfirlæknir svæfingarlækninga- og verkameðferðardeildar Maggiore-spítala í Parma hafði hann meðal annars barist fyrir lögum sem sett voru árið 2010 og gerðu læknum auðveldara fyrir að skrifa upp á ópíóíða. Farsími Fanelli var hleraður, hlustunartæki var komið fyrir á skrifstofu hans og myndavél komið fyrir við veitingastað þar sem hann fundaði með fulltrúum lyfjafyrirtækja. AP-fréttastofan hefur í höndum hundruð blaðsíðna ganga úr málinu gagn Fanelli og lyfjafyrirtækjunum. Þau sýna hvernig Fanelli tók þátt í að markaðssetja verkjalyfin með því að skrifa vísindagreinar, skipuleggja ráðstefnur og gera lítið úr viðvörunum yfirvalda um hættu ópíóða sem hafa orðið hundruð þúsunda Bandaríkjamanna að aldurtila undanfarna áratugi. Höfuðstöðvar Purdue Pharma í Stamford í Connecticut. Um tvö þúsund mál hafa verið höfðuð gegn fyrirtækinu í Bandaríkjunum vegna ópíóíðafaraldursins.AP/Douglas Healey Hundruð þúsunda látin vestanhafs Ópíóíðalyf eru tvöfalt sterkari en morfín og voru sparlega notuð af læknum lengi vel. Ástæðan var hversu ávanabindandi þau væru. Þau voru helst notuð fyrir langt leidda sjúklinga eða við líknarmeðferð. Notkunin margfaldaðist aftur á móti eftir að bandaríska lyfjafyrirtækið Purdue Pharma setti OxyContin á markað í Bandaríkjunum árið 1996. Fyrirtækið fullyrti að lítil hætta væri á að sjúklingar yrðu háðir efninu fengju þeir skrifað upp á það vegna verkja. Læknar skrifuðu fjórfalt oftar upp á ópíóíða árið 2010 en þeir höfðu gert árið 1999. Fólk fékk skrifað upp á lyfin vegna gigtar, bakverja og mígrenis. Samhliða því fjölgaði ofskömmtum með alvarlegum afleiðingum. Talið er að um 400.000 Bandaríkjamenn hafi látið lífið af völdum of stórs skammts af ópíóðalyfum á tveimur áratugum. Bandarísk yfirvöld telja að hátt í þriðjungur sjúklinga sem fá skrifað upp á ópíóíð gegn þrálátum verkjum endi á að misnota lyfið. Sjúkdómavarnir Bandaríkjanna komust að þeirri niðurstöðu að ekkert benti til þess að ópíóíð hefðu jákvæð langtímaáhrif og að hættan við notkun þeirra væri meiri en kostirnir árið 2016. Mótmælandi heldur á mynd af aðstandanda sem lést af völdum ofneyslu á OxyContin ásamt lyfjaglasi. Vaxandi reiði hefur beinst að Purdue Pharma vegna ópíóðakrísunnar.AP/Jessica Hill Hafa greitt tugi milljarða í sektir og sáttir Þetta kom ekki í veg fyrir að Purdue Pharma markaðsetti OxyContin grimmt, stundum með aðstoð lækna sem fyrirtækið greiddi til að gera lítið úr hættunni við notkun lyfsins. Fyrirtækið hagnaðist á tá og fingri og komst Sackler-fjölskyldan, sem á Purdeu Pharma, á lista Forbes yfir auðugustu fjölskyldur Bandaríkjanna. Upp komust svik um síðir og var Purdue Pharma og þrír stjórnendur þess sektaðir um meira en 600 milljónir dollara, jafnvirði hátt í 75 milljarða króna, eftir að þeir játuðu sig seka um falska markaðsetningu á OxyContin með því að hafa gert lítið úr hversu ávanabindandi lyfið væri árið 2007. Fyrirtækið féllst á að greiða 270 milljónir dollara, um 33,5 milljarða króna, í dómsátt í sambærilegu máli í Oklahoma fyrr á þessu ári. Hundruð málsókna gegn fyrirtækinu liggja enn fyrir hjá bandarískum dómstólum. Snekkjan sem Fanelli keypti sér í gegnum fyrirtæki sem hann stofnaði til að fela slóð peningagreiðslna frá lyfjafyrirtækjunum. Vinur hans grínaðist með að hann þyrfti að setja vörumerki Mundipharma á stafn skipsins.AP/Antonio Calanni Talaði niður hættuna gegn greiðslu Á sama tíma og afleiðingar stóraukinnar ópíóðanotkunar varð lýðum ljós í Bandaríkjunum og fyrirtækið lá undir gagnrýni heima fyrir hélt það áfram að beita sömu brögðum til að koma ópíóíðum á framfæri austan Atlantshafsins. Alþjóðlegur armur Purdue Pharma, Mundipharma, er á meðal lyfjafyrirtækja sem er sagt hafa greitt Fanelli hundruð þúsunda evra, tugi milljóna króna, fyrir að tala fyrir notkun ópíóíða og gera lítið úr hættunni. Fanelli hélt því meðal annars fram að faraldur þrálátra verkja geisaði, hættan á að sjúklingar ánetjuðust lyfjunum væri ýkt og að það væri í reynd vanræksla að skrifa ekki upp á ópíóíða fyrir sjúklinga sem þjáðust. „Lyfjafyrirtækin sáu hann sem tæki til að markaðssetja þeirra eigin lyf,“ segir Gianfranco Di Sario, liðsforingi í ítölsku lögreglunni sem stýrði rannsókninni við AP. Tveir stjórnendur Mundipharma gerðu sátt við saksóknara vegna ásakana um að þeir hefðu greitt Fanelli til að hjálpa þeim að selja verkjalyfin í janúar. Þeir fengu báðir á annað ár í skilorðsbundið fangelsi. Lögmaður þeirra segir sáttina ekki þýða að þeir játi sök. Mundipharma var sektað um 40.000 evrur, jafnvirði um 5,5 milljóna króna, en það heldur því einnig fram að það hafi ekki brotið nein lög. Alls hafa ítalskir saksóknarar gefið út ákærur á hendur 55 einstaklinga og tíu fyrirtækja. Höfuðstöðvar Mundipharma í Singapúr. Fyrirtækið starfar í 120 löndum. Víða hefur neysla á ópíóíðalyfum stóraukist undanfarin ár.AP/Yong Teck Lim „Það er verkjaiðnaðurinn“ Fanelli var handtekinn í maí árið 2017 og sat í stofufangelsi í fjóra mánuði. Hann bíður nú lykta mála sinna í réttarkerfinu. Hann var sviptur lækningaleyfi á meðan skorið er úr málinu og þá voru ýmsar þær eigur sem hann keypti í gegnum fyrirtæki sem hann stofnaði til að fela greiðslurnar sem hann fékk frá lyfjafyrirtækjunum, þar á meðal einkasnekkja og sportbíll, gerðar upptækar. Saksóknarar halda því fram að auk greiðslnanna sem Fanelli fékk í gegnum fyrirtækið hafi hann einnig þegið umslög full af reiðufé frá fyrirtækjunum á skrifstofu sinni á sjúkrahúsinu þar sem hann starfaði. „Ég bjó til kerfi. Það er verkjaiðnaðurinn,“ á Fanelli að hafa grobbað sig á upptöku lögreglunnar. Eftir að bandarísk yfirvöld hófu að vara við notkun gaf Mundipharma út skýrslu þar sem fullyrt var að nærri því helmingur Ítala þjáðist af þrálátum verkjum og að ópíóíðar væru lausnin. Þegar ítalska lyfjastofnunin varaði við því að aukin notkun ópíóíða þar væri farin að jarða við misnotkun árið reyndi Fanelli sitt besta til þess að drepa umræðunni um hættun á dreif. Eftir skraf og ráðagerð við fulltrúa lyfjafyrirtækjanna skrifaði læknirinn vísindagrein sem hann fékk birta. Í greininni færði Fanelli rök fyrir því að víti ópíóíðavandans vestanhafs ætti ekki endilega að vera öðrum þjóðum til varnaðar. Læknar ættu að halda áfram að skrifa upp á lyfin við þrálátum verkjum. „Góðar fréttir, skoðanagrein gegn fíkn sem styður ópíóíða undirrituð af sjálfum mér,“ sendi Fanelli í smáskilaboðum til stjórnanda hjá Mundipharma. Læknirinn á að hafa lýst greinunum sem hann skrifaði sem „vopnum vísindanna“. „Þeir nota sömu aðferðirnar sem virkuðu í Bandaríkjunum þrátt fyrir að þeir viti að það leiddi til lýðheilsuhörmunga,“ segir Andrew Kolodny, framkvæmdastjóri Lækna fyrir ábyrgum uppáskriftum ópíóíða. Bandaríkin Fíkn Ítalía Lyf Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Mun ekki halla mér aftur og leyfa deyjandi sjónvarpsstöð að ráðast á mig“ Erlent „Fann það þegar ég vaknaði í morgun að þetta var lúmskt áfall“ Innlent Svandís boðar til blaðamannafundar Innlent Katrín efst en Jón hrynur í nýrri könnun Innlent Sautján greinst með kíghósta og inflúensan enn að dreifa sér Innlent Heyrist meira af kjaftæði um lyf en vísindalegum staðreyndum Innlent Segja frumvarp um gyðingaandúð í andstöðu við Biblíuna Erlent Horfði á þegar vinur hans réðst á manninn sem braut á dóttur hans Innlent Vilja svör um möguleg „óþægileg hagsmunatengsl“ borgar og RÚV Innlent Tyrkir stöðva öll viðskipti við Ísrael Erlent Fleiri fréttir Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Sjá meira
Bandarískt lyfjafyrirtæki sem var sektað um tugi milljarða króna fyrir að afvegaleiða almenning um hversu ávanabindandi ópíóíaðar væru er á meðal hóps fyrirtækja sem greiddi þekktum ítölskum lækni til að hjálpa þeim að hagnast á verkalyfjunum í Evrópu. Læknirinn stærði sig af því hversu vel hann stæði sig í að tala máli hópsins sem hann nefndi „kvalabandalagið“. Ítalska lögreglan komst fyrst á spor Guido Fanelli þegar hún rannsakaði annað mál árið 2015. Fanelli var þá landsþekktur og fastagestur í fjölmiðlum. Sem yfirlæknir svæfingarlækninga- og verkameðferðardeildar Maggiore-spítala í Parma hafði hann meðal annars barist fyrir lögum sem sett voru árið 2010 og gerðu læknum auðveldara fyrir að skrifa upp á ópíóíða. Farsími Fanelli var hleraður, hlustunartæki var komið fyrir á skrifstofu hans og myndavél komið fyrir við veitingastað þar sem hann fundaði með fulltrúum lyfjafyrirtækja. AP-fréttastofan hefur í höndum hundruð blaðsíðna ganga úr málinu gagn Fanelli og lyfjafyrirtækjunum. Þau sýna hvernig Fanelli tók þátt í að markaðssetja verkjalyfin með því að skrifa vísindagreinar, skipuleggja ráðstefnur og gera lítið úr viðvörunum yfirvalda um hættu ópíóða sem hafa orðið hundruð þúsunda Bandaríkjamanna að aldurtila undanfarna áratugi. Höfuðstöðvar Purdue Pharma í Stamford í Connecticut. Um tvö þúsund mál hafa verið höfðuð gegn fyrirtækinu í Bandaríkjunum vegna ópíóíðafaraldursins.AP/Douglas Healey Hundruð þúsunda látin vestanhafs Ópíóíðalyf eru tvöfalt sterkari en morfín og voru sparlega notuð af læknum lengi vel. Ástæðan var hversu ávanabindandi þau væru. Þau voru helst notuð fyrir langt leidda sjúklinga eða við líknarmeðferð. Notkunin margfaldaðist aftur á móti eftir að bandaríska lyfjafyrirtækið Purdue Pharma setti OxyContin á markað í Bandaríkjunum árið 1996. Fyrirtækið fullyrti að lítil hætta væri á að sjúklingar yrðu háðir efninu fengju þeir skrifað upp á það vegna verkja. Læknar skrifuðu fjórfalt oftar upp á ópíóíða árið 2010 en þeir höfðu gert árið 1999. Fólk fékk skrifað upp á lyfin vegna gigtar, bakverja og mígrenis. Samhliða því fjölgaði ofskömmtum með alvarlegum afleiðingum. Talið er að um 400.000 Bandaríkjamenn hafi látið lífið af völdum of stórs skammts af ópíóðalyfum á tveimur áratugum. Bandarísk yfirvöld telja að hátt í þriðjungur sjúklinga sem fá skrifað upp á ópíóíð gegn þrálátum verkjum endi á að misnota lyfið. Sjúkdómavarnir Bandaríkjanna komust að þeirri niðurstöðu að ekkert benti til þess að ópíóíð hefðu jákvæð langtímaáhrif og að hættan við notkun þeirra væri meiri en kostirnir árið 2016. Mótmælandi heldur á mynd af aðstandanda sem lést af völdum ofneyslu á OxyContin ásamt lyfjaglasi. Vaxandi reiði hefur beinst að Purdue Pharma vegna ópíóðakrísunnar.AP/Jessica Hill Hafa greitt tugi milljarða í sektir og sáttir Þetta kom ekki í veg fyrir að Purdue Pharma markaðsetti OxyContin grimmt, stundum með aðstoð lækna sem fyrirtækið greiddi til að gera lítið úr hættunni við notkun lyfsins. Fyrirtækið hagnaðist á tá og fingri og komst Sackler-fjölskyldan, sem á Purdeu Pharma, á lista Forbes yfir auðugustu fjölskyldur Bandaríkjanna. Upp komust svik um síðir og var Purdue Pharma og þrír stjórnendur þess sektaðir um meira en 600 milljónir dollara, jafnvirði hátt í 75 milljarða króna, eftir að þeir játuðu sig seka um falska markaðsetningu á OxyContin með því að hafa gert lítið úr hversu ávanabindandi lyfið væri árið 2007. Fyrirtækið féllst á að greiða 270 milljónir dollara, um 33,5 milljarða króna, í dómsátt í sambærilegu máli í Oklahoma fyrr á þessu ári. Hundruð málsókna gegn fyrirtækinu liggja enn fyrir hjá bandarískum dómstólum. Snekkjan sem Fanelli keypti sér í gegnum fyrirtæki sem hann stofnaði til að fela slóð peningagreiðslna frá lyfjafyrirtækjunum. Vinur hans grínaðist með að hann þyrfti að setja vörumerki Mundipharma á stafn skipsins.AP/Antonio Calanni Talaði niður hættuna gegn greiðslu Á sama tíma og afleiðingar stóraukinnar ópíóðanotkunar varð lýðum ljós í Bandaríkjunum og fyrirtækið lá undir gagnrýni heima fyrir hélt það áfram að beita sömu brögðum til að koma ópíóíðum á framfæri austan Atlantshafsins. Alþjóðlegur armur Purdue Pharma, Mundipharma, er á meðal lyfjafyrirtækja sem er sagt hafa greitt Fanelli hundruð þúsunda evra, tugi milljóna króna, fyrir að tala fyrir notkun ópíóíða og gera lítið úr hættunni. Fanelli hélt því meðal annars fram að faraldur þrálátra verkja geisaði, hættan á að sjúklingar ánetjuðust lyfjunum væri ýkt og að það væri í reynd vanræksla að skrifa ekki upp á ópíóíða fyrir sjúklinga sem þjáðust. „Lyfjafyrirtækin sáu hann sem tæki til að markaðssetja þeirra eigin lyf,“ segir Gianfranco Di Sario, liðsforingi í ítölsku lögreglunni sem stýrði rannsókninni við AP. Tveir stjórnendur Mundipharma gerðu sátt við saksóknara vegna ásakana um að þeir hefðu greitt Fanelli til að hjálpa þeim að selja verkjalyfin í janúar. Þeir fengu báðir á annað ár í skilorðsbundið fangelsi. Lögmaður þeirra segir sáttina ekki þýða að þeir játi sök. Mundipharma var sektað um 40.000 evrur, jafnvirði um 5,5 milljóna króna, en það heldur því einnig fram að það hafi ekki brotið nein lög. Alls hafa ítalskir saksóknarar gefið út ákærur á hendur 55 einstaklinga og tíu fyrirtækja. Höfuðstöðvar Mundipharma í Singapúr. Fyrirtækið starfar í 120 löndum. Víða hefur neysla á ópíóíðalyfum stóraukist undanfarin ár.AP/Yong Teck Lim „Það er verkjaiðnaðurinn“ Fanelli var handtekinn í maí árið 2017 og sat í stofufangelsi í fjóra mánuði. Hann bíður nú lykta mála sinna í réttarkerfinu. Hann var sviptur lækningaleyfi á meðan skorið er úr málinu og þá voru ýmsar þær eigur sem hann keypti í gegnum fyrirtæki sem hann stofnaði til að fela greiðslurnar sem hann fékk frá lyfjafyrirtækjunum, þar á meðal einkasnekkja og sportbíll, gerðar upptækar. Saksóknarar halda því fram að auk greiðslnanna sem Fanelli fékk í gegnum fyrirtækið hafi hann einnig þegið umslög full af reiðufé frá fyrirtækjunum á skrifstofu sinni á sjúkrahúsinu þar sem hann starfaði. „Ég bjó til kerfi. Það er verkjaiðnaðurinn,“ á Fanelli að hafa grobbað sig á upptöku lögreglunnar. Eftir að bandarísk yfirvöld hófu að vara við notkun gaf Mundipharma út skýrslu þar sem fullyrt var að nærri því helmingur Ítala þjáðist af þrálátum verkjum og að ópíóíðar væru lausnin. Þegar ítalska lyfjastofnunin varaði við því að aukin notkun ópíóíða þar væri farin að jarða við misnotkun árið reyndi Fanelli sitt besta til þess að drepa umræðunni um hættun á dreif. Eftir skraf og ráðagerð við fulltrúa lyfjafyrirtækjanna skrifaði læknirinn vísindagrein sem hann fékk birta. Í greininni færði Fanelli rök fyrir því að víti ópíóíðavandans vestanhafs ætti ekki endilega að vera öðrum þjóðum til varnaðar. Læknar ættu að halda áfram að skrifa upp á lyfin við þrálátum verkjum. „Góðar fréttir, skoðanagrein gegn fíkn sem styður ópíóíða undirrituð af sjálfum mér,“ sendi Fanelli í smáskilaboðum til stjórnanda hjá Mundipharma. Læknirinn á að hafa lýst greinunum sem hann skrifaði sem „vopnum vísindanna“. „Þeir nota sömu aðferðirnar sem virkuðu í Bandaríkjunum þrátt fyrir að þeir viti að það leiddi til lýðheilsuhörmunga,“ segir Andrew Kolodny, framkvæmdastjóri Lækna fyrir ábyrgum uppáskriftum ópíóíða.
Bandaríkin Fíkn Ítalía Lyf Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Mun ekki halla mér aftur og leyfa deyjandi sjónvarpsstöð að ráðast á mig“ Erlent „Fann það þegar ég vaknaði í morgun að þetta var lúmskt áfall“ Innlent Svandís boðar til blaðamannafundar Innlent Katrín efst en Jón hrynur í nýrri könnun Innlent Sautján greinst með kíghósta og inflúensan enn að dreifa sér Innlent Heyrist meira af kjaftæði um lyf en vísindalegum staðreyndum Innlent Segja frumvarp um gyðingaandúð í andstöðu við Biblíuna Erlent Horfði á þegar vinur hans réðst á manninn sem braut á dóttur hans Innlent Vilja svör um möguleg „óþægileg hagsmunatengsl“ borgar og RÚV Innlent Tyrkir stöðva öll viðskipti við Ísrael Erlent Fleiri fréttir Danir rýmka reglur um þungunarrof Þrjátíu látnir og tuga saknað eftir flóð í Brasilíu Segja frumvarp um gyðingaandúð í andstöðu við Biblíuna Tyrkir stöðva öll viðskipti við Ísrael „Mun ekki halla mér aftur og leyfa deyjandi sjónvarpsstöð að ráðast á mig“ Segir fólk eiga rétt til mótmæla en ekki til óreiðu Umfangsmikil mótmæli vegna „rússneskra“ laga í Georgíu Enn í basli með skemmdir á hitaskildi Orion Vornanen kastað úr þingflokknum Hafa engin varnarvirki til að hörfa í Yfirstandandi kosningar á Englandi prófsteinn fyrir Íhaldsflokkinn Viðbrögð Hamas við vopnahléstillögunum „neikvæð“ Hundruð lögreglumanna í viðbragðsstöðu vegna mótmæla í UCLA Vilja endurupptöku í máli Weinstein Þrjú hundruð handtekin í Columbia-háskóla Stuðningur við dönsku ríkisstjórnina aldrei verið minni Mótmælendur og gagnmótmælendur tókust á Trump sektaður um meira en milljón króna Rússar sagðir nota skotflaugar frá Norður-Kóreu Þrettán ára drengur stunginn til bana með sverði Særði minnst fimm með sverði í Lundúnum Íslendingur sem lúbarði lögreglumenn í Varsjá þarf að borga brúsann Fjórir lögreglumenn skotnir til bana í Charlotte Rostungur sem fannst í fyrra drapst af völdum fuglaflensu Hvetur Hamas til að ganga að rausnarlegum tillögum Ísrael Flugvöllur Færeyinga fær að taka við stærri þotum Yousaf segir af sér sem ráðherra og formaður Skoska þjóðarflokksins Sánchez hættir við að segja af sér Grafið undan fjölmiðlafrelsinu víða í Evrópu Vopnahlé í sjónmáli? Sjá meira