Innlent

Sveitarfélögin og ríkið semja um kostnaðarskiptingu Borgarlínu

Berghildur Erla Bernharðsdóttir skrifar
"Síðan erum við í viðræðum við ríkisstjórnina um fjármögnun borgarlínu og stofnvegaframkvæmda til næstu 15 ára og þær viðræður ganga vel,“ segir Dagur.
"Síðan erum við í viðræðum við ríkisstjórnina um fjármögnun borgarlínu og stofnvegaframkvæmda til næstu 15 ára og þær viðræður ganga vel,“ segir Dagur. Vísir/Vilhelm

 Borgarstjóri býst ekki við að neitt sveitarfélag á höfuðborgarsvæðinu dragi sig út úr Borgarlínuverkefninu. Nú standi yfir samningaviðræður milli sveitarfélagana og ríkisins um fjármögnum og kostnaðarskiptingu verkefnisins og stofnvegaframkvæmdir. Áætlanir geri ráð fyrir að framkvæmdirnar kosti um hundrað milljarða króna á næstu 15 árum.

Sveitarfélögin á höfuðborgarsvæðinu undirrituðu í lok árs 2016 samkomulag um undirbúning Borgarlínu, nýtt samgöngukerfi og hefur verkefnið verið á undirbúningsstigi síðan.  Dagur B. Eggertsson borgarsjtóri segir að undirbúningur sé hafinn í samvinnu við Vegagerðina og þar með ríkið. Þá standi nú yfir samningaviðræður við borgina.

„Síðan erum við í viðræðum við ríkisstjórnina um fjármögnun Borgarlínu og stofnvegaframkvæmda til næstu 15 ára og þær viðræður ganga vel,“ segir Dagur.

Hann segir að eftir eigi að fara yfir kostnaðarþátttöku sveitarfélaga og ríkisins í verkefninu.

„Heildarfjárfestingin í fyrsta áfanga eru 43 milljarða og nú er verið að ræða fjármögnun og kostnaðarskiptinguna á verkefninu og  stofnvegaframvkæmdunum en kostnaður þeirra verður aðeins meiri þannig að búast má við að í heild kosti verkefnin um hundrað milljarða króna,“ segir Dagur.

Morgunblaðið greindi frá því í síðustu viku að óvissa ríkti um þátttöku Seltjarnarness í verkefninu en málið verði tekið fyrir í bæjarráði Seltjarnaness 23. maí. Dagur býst ekki við að neitt sveitarfélag dragi sig út úr verkefninu.

Þá er komin upp einhver ný staða en ég á ekki von á því,“ segir Dagur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.