Bjarki Már Elísson og félagar í Füchse Berlín töpuðu fyrir toppliði Flensburg-Handewitt í næst síðustu umferð þýsku úrvalsdeildarinnar í handbolta í kvöld.



Bjarki Már skoraði fjögur mörk fyrir Berlínarliðið en leiknum lauk með 26-18 sigri Flensborgar.



Lærisveinar Alfreðs Gíslasonar í Kiel unnu öruggan sigur á Lemgo 34-26.



Kiel er með 60 stig í öðru sæti deildarinnar, tveimur stigum á eftir Flensburg þegar ein umferð er eftir.