Undir mér komið að sanna mig Kristinn Páll Teitsson skrifar 10. maí 2019 10:00 Nick Fitzgerald er hérna í leik með Mississippi State Bulldogs en hann skrifaði nýverið undir samning við NFL-liðið Tampa Bay Buccaneers. Hann á því möguleika á að verða fyrsti Íslendingurinn til þess að leika á stærsta sviði veraldar innan bandaríska ruðningsheimsins næsta haust. Nordicphotos/Getty Ruðningskappinn Nick Fitzgerald gæti orðið fyrsti Íslendingurinn til að leika í NFL-deildinni ef honum tekst að brjóta sér leið inn í leikmannahóp Tampa Bay Buccaneers en hann er nú í æfingabúðum hjá liðinu. Nick, sem er sonur Anettu Jónsdóttur og leikur í stöðu leikstjórnanda, var ekki valinn í nýliðavalinu en samþykkti fljótlega samning frá Buccaneers sem varð Super Bowl-meistari í eina skiptið árið 2002. „Það yrði ansi flott að verða fyrsti Íslendingurinn í deildinni,“ segir hann hlæjandi þegar Fréttablaðið slær á þráðinn til hans. Eftir því sem undirritaður kemst næst eru Bakhtiari-bræðurnir, Eric og David, þeir einu með íslenskar rætur sem hafa leikið í NFL-deildinni. Þessa dagana er tímabilið að byrja í NFL-deildinni hjá nýliðunum þegar æfingar utan keppnistímabilsins hefjast. „Fyrst og fremst er ég mjög spenntur að byrja þetta ferli. Í fyrstu æfingabúðunum eru bara nýliðarnir, svo koma eldri leikmennirnir og þetta eru um sex vikur,“ segir Nick sem þarf að heilla Bruce Arians, nýráðinn þjálfara Tampa Bay Buccaneers. Arians sem hefur unnið með leikstjórnendum á borð við Andrew Luck, tilkynnti það í vor að hann tæki þjálfaraheyrnartólin ofan úr hillu og myndi snúa aftur á hliðarlínuna. „Þetta verður afar spennandi, ég náði ekki að hitta hann á prófdeginum (e. NFL Draft Combine) né í aðdraganda nýliðavalsins en ég er spenntur að fara og hitta alla nýju liðsfélagana mína.“ Hjá Tampa Bay er Jameis Winston leikstjórnandi og kveðst Nick einnig spenntur að vinna með honum. „Ég þarf að fylgjast vel með honum, sjá hvernig hann undirbýr sig alla daga og læra af honum. Svo þarf ég að læra sóknina hjá liðinu.“ Aðspurður tekur Nick undir það að í æfingabúðunum séu menn að berjast fyrir lífi sínu í deildinni. Enginn er öruggur um að komast í 53 manna leikmannahóp liðsins fyrir tímabilið sem hefst í haust. „Algjörlega, það er undir manni komið að sanna sig. Enginn er með öruggt sæti í liðinu og maður verður sem nýliði að gera sitt besta, sækja eins mikla vitneskju og hægt er. Sem leikstjórnandi þarftu að læra sóknarleik liðsins eins fljótt og hægt er svo þú getir farið út á völlinn og stýrt sóknarleiknum vel á æfingunum. Fyrir nýliðana er þetta að læra eins mikið og hægt er á stuttum tíma,“ segir Nick um æfingabúðirnar sem hófust í gær. „Það er óraunverulegt að þetta sé runnið upp, þetta er búið að vera draumur manns síðan ég byrjaði að æfa ruðning sem sex ára strákur. Ég æfði líka körfubolta og hafnabolta þegar ég var ungur en ruðningur var alltaf í fyrsta sæti.“ Nick var byrjunarliðsmaður með Mississippi State í þrjú ár í sterkustu háskólaruðningsdeild Bandaríkjanna þar sem Nick mætti bestu liðum landsins, Auburn, LSU og Alabama Crimson Tide, á hverju ári. „Það er erfiðasta staðan í háskólaruðningnum að vera leikstjórnandi og ég mætti bestu vörnum landsins. Það var gaman að mæta liðum eins og Alabama sem er búið að vera í sérflokki á landsvísu undanfarinn áratug. Við komumst nálægt því að vinna þá einu sinni en misstum það úr höndum okkar en það var skemmtilegt að spila gegn svona liðum.“ Nick er fjölhæfur sem leikstjórnandi og er tvíþætt ógn með hlaupaleik sínum. „NFL-deildin var á sínum tíma svolítið einhæf þegar kom að leikstjórnendum sem gátu beðið í vasanum og kastað en í dag hefur þetta þróast og sífellt fleiri lið eru farin að vilja leikstjórnendur sem geta hlaupið og kastað. Það ætti að henta mér vel, það er minn leikstíll og það verður áhugavert að sjá hvað ég geri á þessu stigi. Þetta er skemmtilegt þegar vel gengur en sem leikstjórnandi þarf maður alltaf að vera með varann á. Þetta er mjög harður leikur og maður þarf að vera viðbúinn alls konar höggum.“ Nick segist vera í sambandi við nokkra fjölskyldumeðlimi á Íslandi og reynir að hitta á ættingja sína þegar þeir heimsækja Bandaríkin. „Mamma er íslensk og ég á fjölskyldu á Íslandi. Ég er í sambandi við nokkra heima sem hafa reynt að fylgjast með leikjunum mínum. Þegar íslenska fjölskyldan mín heimsækir Bandaríkin hef ég reynt að hitta á þau og ég er í góðu sambandi við nokkra,“ segir Nick og bætir við að hann hafi ekki verið nægilega duglegur að heimsækja Ísland en ætli sér að bæta úr því. „Ég hef komið einu sinni til Íslands sem strákur, ætli ég hafi ekki verið 6-7 ára, en ég er alltaf á leiðinni aftur eftir að ég fullorðnaðist. Núna er ég að einbeita mér að ferli mínum í NFL-deildinni en ég mun reyna að koma einhvern tímann í fríi.“ Birtist í Fréttablaðinu NFL Mest lesið „Ég sakna hennar á hverjum degi“ Handbolti Bakgarðshlaupið í beinni útsendingu Sport „Hún er með hjartagalla en í góðum höndum núna og vonandi fer allt vel“ Íslenski boltinn „Þetta er ekki boðlegt finnst mér“ Körfubolti DeAndre Kane sleppur við bann og spilar í kvöld Körfubolti Andrea á batavegi: „Gott fyrir alla að sjá hana brosandi“ Íslenski boltinn Arsenal menn kláruðu sitt og nú er pressan á Man. City Enski boltinn „Varhugavert er að ætla starfsmanni Stöðvar 2 að hafa brugðið talsvert“ Körfubolti Í beinni: FH - Vestri | Bæði liðin á sigurbrautinni Íslenski boltinn Hætti óvænt: Fannst hann skulda fjölskyldunni smá tíma Handbolti Fleiri fréttir Kristín Dís og Þórdís fögnuðu sigri en það gekk illa hjá Halmstad strákunum Bráðnaði ekki í hitanum á Filippseyjum og náði í silfur Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Í beinni: FH - Vestri | Bæði liðin á sigurbrautinni Þórir bæði með mark og stoðsendingu Bach býðst til að synda sjálfur í Signu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð „Varhugavert er að ætla starfsmanni Stöðvar 2 að hafa brugðið talsvert“ Hætti óvænt: Fannst hann skulda fjölskyldunni smá tíma Arteta segir að Gabriel Jesus sé ekki á förum í sumar Kyrie kann að loka einvígum og Dallas sló loksins út Clippers Með sjö í þremur: „Kannski margir sem afskrifa mann en mér finnst ég eiga nóg eftir“ DeAndre Kane sleppur við bann og spilar í kvöld Bakgarðshlaupið í beinni útsendingu „Ég sakna hennar á hverjum degi“ „Þetta er ekki boðlegt finnst mér“ Dagskráin í dag: Grindvíkingar í heimsókn til Keflavíkur Clattenburg hættur og segist hafa verið skotmark sérfræðinga Lið Aþenu og Brynjar Karl einum leik frá Subway-deildinni eftir spennutrylli „Þurfum að fá fleiri hjól undir bílinn“ „Það er búið að vera okkar merki í allan vetur að spila vörn“ Óvænt úrslit í fyrstu umferð Lengjudeildarinnar „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ Luton mistókst að koma sér úr fallsæti „Við vissum að við þyrftum að þjást“ Jóhanna Margrét frábær í góðum sigri Skara Sjá meira
Ruðningskappinn Nick Fitzgerald gæti orðið fyrsti Íslendingurinn til að leika í NFL-deildinni ef honum tekst að brjóta sér leið inn í leikmannahóp Tampa Bay Buccaneers en hann er nú í æfingabúðum hjá liðinu. Nick, sem er sonur Anettu Jónsdóttur og leikur í stöðu leikstjórnanda, var ekki valinn í nýliðavalinu en samþykkti fljótlega samning frá Buccaneers sem varð Super Bowl-meistari í eina skiptið árið 2002. „Það yrði ansi flott að verða fyrsti Íslendingurinn í deildinni,“ segir hann hlæjandi þegar Fréttablaðið slær á þráðinn til hans. Eftir því sem undirritaður kemst næst eru Bakhtiari-bræðurnir, Eric og David, þeir einu með íslenskar rætur sem hafa leikið í NFL-deildinni. Þessa dagana er tímabilið að byrja í NFL-deildinni hjá nýliðunum þegar æfingar utan keppnistímabilsins hefjast. „Fyrst og fremst er ég mjög spenntur að byrja þetta ferli. Í fyrstu æfingabúðunum eru bara nýliðarnir, svo koma eldri leikmennirnir og þetta eru um sex vikur,“ segir Nick sem þarf að heilla Bruce Arians, nýráðinn þjálfara Tampa Bay Buccaneers. Arians sem hefur unnið með leikstjórnendum á borð við Andrew Luck, tilkynnti það í vor að hann tæki þjálfaraheyrnartólin ofan úr hillu og myndi snúa aftur á hliðarlínuna. „Þetta verður afar spennandi, ég náði ekki að hitta hann á prófdeginum (e. NFL Draft Combine) né í aðdraganda nýliðavalsins en ég er spenntur að fara og hitta alla nýju liðsfélagana mína.“ Hjá Tampa Bay er Jameis Winston leikstjórnandi og kveðst Nick einnig spenntur að vinna með honum. „Ég þarf að fylgjast vel með honum, sjá hvernig hann undirbýr sig alla daga og læra af honum. Svo þarf ég að læra sóknina hjá liðinu.“ Aðspurður tekur Nick undir það að í æfingabúðunum séu menn að berjast fyrir lífi sínu í deildinni. Enginn er öruggur um að komast í 53 manna leikmannahóp liðsins fyrir tímabilið sem hefst í haust. „Algjörlega, það er undir manni komið að sanna sig. Enginn er með öruggt sæti í liðinu og maður verður sem nýliði að gera sitt besta, sækja eins mikla vitneskju og hægt er. Sem leikstjórnandi þarftu að læra sóknarleik liðsins eins fljótt og hægt er svo þú getir farið út á völlinn og stýrt sóknarleiknum vel á æfingunum. Fyrir nýliðana er þetta að læra eins mikið og hægt er á stuttum tíma,“ segir Nick um æfingabúðirnar sem hófust í gær. „Það er óraunverulegt að þetta sé runnið upp, þetta er búið að vera draumur manns síðan ég byrjaði að æfa ruðning sem sex ára strákur. Ég æfði líka körfubolta og hafnabolta þegar ég var ungur en ruðningur var alltaf í fyrsta sæti.“ Nick var byrjunarliðsmaður með Mississippi State í þrjú ár í sterkustu háskólaruðningsdeild Bandaríkjanna þar sem Nick mætti bestu liðum landsins, Auburn, LSU og Alabama Crimson Tide, á hverju ári. „Það er erfiðasta staðan í háskólaruðningnum að vera leikstjórnandi og ég mætti bestu vörnum landsins. Það var gaman að mæta liðum eins og Alabama sem er búið að vera í sérflokki á landsvísu undanfarinn áratug. Við komumst nálægt því að vinna þá einu sinni en misstum það úr höndum okkar en það var skemmtilegt að spila gegn svona liðum.“ Nick er fjölhæfur sem leikstjórnandi og er tvíþætt ógn með hlaupaleik sínum. „NFL-deildin var á sínum tíma svolítið einhæf þegar kom að leikstjórnendum sem gátu beðið í vasanum og kastað en í dag hefur þetta þróast og sífellt fleiri lið eru farin að vilja leikstjórnendur sem geta hlaupið og kastað. Það ætti að henta mér vel, það er minn leikstíll og það verður áhugavert að sjá hvað ég geri á þessu stigi. Þetta er skemmtilegt þegar vel gengur en sem leikstjórnandi þarf maður alltaf að vera með varann á. Þetta er mjög harður leikur og maður þarf að vera viðbúinn alls konar höggum.“ Nick segist vera í sambandi við nokkra fjölskyldumeðlimi á Íslandi og reynir að hitta á ættingja sína þegar þeir heimsækja Bandaríkin. „Mamma er íslensk og ég á fjölskyldu á Íslandi. Ég er í sambandi við nokkra heima sem hafa reynt að fylgjast með leikjunum mínum. Þegar íslenska fjölskyldan mín heimsækir Bandaríkin hef ég reynt að hitta á þau og ég er í góðu sambandi við nokkra,“ segir Nick og bætir við að hann hafi ekki verið nægilega duglegur að heimsækja Ísland en ætli sér að bæta úr því. „Ég hef komið einu sinni til Íslands sem strákur, ætli ég hafi ekki verið 6-7 ára, en ég er alltaf á leiðinni aftur eftir að ég fullorðnaðist. Núna er ég að einbeita mér að ferli mínum í NFL-deildinni en ég mun reyna að koma einhvern tímann í fríi.“
Birtist í Fréttablaðinu NFL Mest lesið „Ég sakna hennar á hverjum degi“ Handbolti Bakgarðshlaupið í beinni útsendingu Sport „Hún er með hjartagalla en í góðum höndum núna og vonandi fer allt vel“ Íslenski boltinn „Þetta er ekki boðlegt finnst mér“ Körfubolti DeAndre Kane sleppur við bann og spilar í kvöld Körfubolti Andrea á batavegi: „Gott fyrir alla að sjá hana brosandi“ Íslenski boltinn Arsenal menn kláruðu sitt og nú er pressan á Man. City Enski boltinn „Varhugavert er að ætla starfsmanni Stöðvar 2 að hafa brugðið talsvert“ Körfubolti Í beinni: FH - Vestri | Bæði liðin á sigurbrautinni Íslenski boltinn Hætti óvænt: Fannst hann skulda fjölskyldunni smá tíma Handbolti Fleiri fréttir Kristín Dís og Þórdís fögnuðu sigri en það gekk illa hjá Halmstad strákunum Bráðnaði ekki í hitanum á Filippseyjum og náði í silfur Diljá og félagar töpuðu toppslagnum á heimavelli Arsenal menn kláruðu sitt og nú er pressan á Man. City Ipswich Town aftur upp í ensku úrvalsdeildina eftir 22 ára fjarveru Í beinni: FH - Vestri | Bæði liðin á sigurbrautinni Þórir bæði með mark og stoðsendingu Bach býðst til að synda sjálfur í Signu Andrea á batavegi: „Gott fyrir alla að sjá hana brosandi“ Glódís Perla þýskur meistari annað árið í röð „Varhugavert er að ætla starfsmanni Stöðvar 2 að hafa brugðið talsvert“ Hætti óvænt: Fannst hann skulda fjölskyldunni smá tíma Arteta segir að Gabriel Jesus sé ekki á förum í sumar Kyrie kann að loka einvígum og Dallas sló loksins út Clippers Með sjö í þremur: „Kannski margir sem afskrifa mann en mér finnst ég eiga nóg eftir“ DeAndre Kane sleppur við bann og spilar í kvöld Bakgarðshlaupið í beinni útsendingu „Ég sakna hennar á hverjum degi“ „Þetta er ekki boðlegt finnst mér“ Dagskráin í dag: Grindvíkingar í heimsókn til Keflavíkur Clattenburg hættur og segist hafa verið skotmark sérfræðinga Lið Aþenu og Brynjar Karl einum leik frá Subway-deildinni eftir spennutrylli „Þurfum að fá fleiri hjól undir bílinn“ „Það er búið að vera okkar merki í allan vetur að spila vörn“ Óvænt úrslit í fyrstu umferð Lengjudeildarinnar „Hún er með hjartagalla en í góðum höndum núna og vonandi fer allt vel“ „Ég er spennt að fara heim að sofa“ Luton mistókst að koma sér úr fallsæti „Við vissum að við þyrftum að þjást“ Jóhanna Margrét frábær í góðum sigri Skara Sjá meira