Innlent

Slökkvilið kallað út vegna elds í Grímsnesi

Atli Ísleifsson skrifar
Tilkynning um reyk barst nokkru fyrir klukkan 18.
Tilkynning um reyk barst nokkru fyrir klukkan 18. vísir/vilhelm

Slökkvilið var kallað út eftir að tilkynnt var um eld í Grímsnesi um klukkan 18 í kvöld. Sverrir Haukur Grönli, varaslökkviliðsstjóri Brunavarna Árnessýslu, segir að um hafi verið að ræða ruslabrennu sem ekki hafi verið tilkynnt til slökkviliðs.

„Það er náttúrulega heilmikið viðbragð, menn kallaðir út og bílar á forgangi þegar svona er. Og það er ekki gott,“ segir Sverrir Haukur og bætir við að viðkomandi hafi fengið orð í eyra þar sem ekki hafi verið tilkynnt um brennuna fyrirfram.

„Við erum alltaf hræddir við gróðurelda og það er mismunandi eftir aðstæðum hvort við erum á móti þessu eða hvort við leyfum fólki að gera þetta. En í þessu tilviki fékk viðkomandi orð í eyra þar sem bílar voru sendir á forgangi og svo framvegis,“ segir Sverrir Haukur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.