Viðskipti innlent

Vegagerðin vildi tryggja milljarðana sín megin

Birgir Olgeirsson og Kolbeinn Tumi Daðason skrifa
Herjólfur í skipasmíðastöð Crist í Póllandi.
Herjólfur í skipasmíðastöð Crist í Póllandi. Crist S.A.
Vegagerðin segir það eindreginn ásetning sinn að samningar við skipasmíðastöðina Crist S.A. verði efndir og nýr Herjólfur afhent rekstraraðila til reksturs. Þetta kemur fram í tilkynningu á heimasíðu Vegagerðarinnar þar sem saga nýs Herjólfs, eins og hún blasir við Vegagerðinni, er rakin aftur til ársins 2013.



Vegagerðin innkallaði í síðustu viku bankaábyrgðir hjá bankanum sem gefið hefur út ábyrgðir fyrir Crist S.A. Ástæðan var sú að allt stefndi í að ábyrgðin félli úr gildi áður en viðeigandi skjöl til staðfestingar framlengingu ábyrgðanna bærust Vegagerðinni.



„Til þess að tryggja hagsmuni sína hefur Vegagerðin að sinni ákveðið að afturkalla ekki innköllun bankaábyrgðarinnar og hefur upplýst bankann um stöðu málsins.“



Skipasmíðastöðin krafðist í lok febrúar viðbótargreiðslu upp á rúmlega milljarð króna sem nemur um þriðjungi af smíðaverðinu. Vegagerðin telur enga stoð í samningi aðila varðandi þessa kröfu og enga leið að verða við henni.



„Þessar aðstæður breyta því ekki að Vegagerðin mun áfram leita allra leiða til samninga í þessu máli innan þess ramma sem verkinu er sniðinn og stuðla þannig að því að afhending ferjunnar geti farið fram.“



Vegagerðin undirstrikar, öfugt við umboðsmanns skipasmíðastöðvarinnar hér á landi, að að innköllun bankaábyrgðar feli alls ekki í sér riftun samnings. Öll áform um að selja ferjuna öðrum aðila fælu í sér samningsrof með tjóni fyrir alla aðila.



„Hér á sér eingöngu stað breyting á því hver heldur á kaupverði skipsins þegar gengið er til samninga. Hér eftir sem hingað til er það ásetningur Vegagerðarinnar að samningar verði efndir og ferjan afhent rekstraraðila Herjólfs til reksturs.“




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
5,77
41
1.133.968
TM
4,61
18
329.096
REGINN
4,23
10
71.102
EIK
2,13
6
64.725
FESTI
1,76
7
109.746

Mesta lækkun dagsins


Félag
Br.%
Fjöldi
Velta*
ICEAIR
-9,91
34
19.532
REITIR
-2,01
5
44.220
SIMINN
-0,72
7
120.225
EIM
-0,19
4
32.775
Velkomin á Vísi. Þessi vefur notar vafrakökur. Sjá nánar.