Myndir: Eitt helsta kenni­leiti Parísar brennur

Gríðarmikil eyðilegging hefur orðið á dómkirkjunni Notre Dame í frönsku höfuðborginni París eftir að eldur kom upp í kirkjunni síðdegis í dag. Eldurinn kom upp skömmu eftir að henni var lokað fyrir almenningi, nokkru fyrir klukkan 19 að staðartíma.

Framkvæmdir við byggingu kirkjunnar hófust á tólftu öld og lauk ekki fyrr en á þeirri fjórtándu. Ljóst má vera að ómetanleg verðmæti hafa orðið eldinum að bráð, þó að tekist hafi að bjarga listaverkasafni kirkjunnar.

Kirkjuspíran, sem reist var á árunum 1220 til 1230, hrundi fyrr í kvöld, þakið féll saman og hefur Reuters greint frá því að eldurinn hafi breiðst út til annars kirkjuturnsins.

Að neðan má sjá nokkrar myndir af brunanum.