Erlent

Björguðu sex fílsungum úr leðju

Samúel Karl Ólason skrifar
Fílsungarnir sex.
Fílsungarnir sex. Vísir/AP

Starfsmenn Thap Lan þjóðgarðsins í Taílandi björguðu í gær sex fílsungum sem sátu fastir í stórum leðjupolli. Fílarnir komust ekki upp úr pollinum af sjálfsdáðum en þeir fundust á miðvikudagskvöldið. Hluti starfsmannanna sem fundu þá hlupu eftir hjálp en aðrir vörðu nóttinni með fílunum.

Þegar fleiri starfsmenn bar að garði vörðu þeir nokkrum klukkustundum í að grafa upp bakka sem fílarnir gátu notað til að komast upp úr pollinum, við mikil fagnaðarlæti þeirra sem fylgdust með.

Í samtali við AP fréttaveituna segir yfirmaður þjóðgarðsins að ummerki hafi fundist um að stór fílahjörð hafi verið á svæðinu. Ekki liggur fyrir hve lengi fílarnir höfðu verið fastir í pollinum.

Fílar eru þjóðdýr Taílands og voru á árum áður á fána landsins, þegar það hét Síam. Aukin þróun landsins hefur þó leitt til þess að búsvæði þeirra hefur minnkað og fílum hefur fækkað. Nokkrir deyja á ári hverju í árásum fíla í Taílandi.
 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.