Mótmæli hafin á nýjan leik við Austurvöll
Mótmæli vegna aðstæðna hælisleitenda hér á landi eru hafin á nýjan leik við Austurvöll. Þar eru nú um hundrað manns komin saman, þegar þetta er skrifað. Mótmælin eru framhald af öðrum sem fóru fram á Austurvelli og við lögreglustöðina á Hverfisgötu í gærkvöldi.
Til stimpinga kom á milli mótmælenda og lögreglu í gær og tveir handteknir.
Sjá einnig: Lögreglan sver af sér rasisma og harðræði
Hælisleitendurnir, sem mótmælt hafa undir merkjum Facebook-síðunnar Refugees in Iceland, hafa undanfarið krafist funda með dómsmálaráðherra og forsætisráðherra. Boðað var til fundar með fulltrúum forsætisráðuneytisins klukkan þrjú í dag.
Tengdar fréttir
Formaður Samfylkingarinnar undrast framgöngu lögreglu á Austurvelli
Logi Einarsson, formaður Samfylkingarinnar, er undrandi á viðbrögðum lögreglu gagnvart hópi mótmælenda á Austurvelli í dag.
Hælisleitendur boðaðir á fund með forsætisráðuneytinu
Hælisleitendurnir, sem mótmælt hafa undir merkjum Facebook-síðunnar Refugees in Iceland, hafa undanfarið krafist funda með dómsmálaráðherra og forsætisráðherra.
Lögreglan sver af sér rasisma og harðræði
Varðstjóri segir mótmælendur hafa óhlýðnast og ráðist á lögreglumenn.
