Bílar

Ferrari F8 Tributo leysir af 488 GTB með stæl

Finnur Thorlacius skrifar
Ferrari F8 Tributo.
Ferrari F8 Tributo.

rið 2015 kynnti Ferrari 488 GTB bíls sinn sem leysti af 458 Italia bílinn. Nú er tími hans runninn sitt skeið því Ferrari mun kynna þann bíl sem leysir hann af hólmi, Ferrari F8 Tributo, á bílasýningunni í Genf sem hefst eftir viku. Ferrari F8 Tributo fær 50 viðbótar hestöfl og verður 40 kg léttari en 488 GTB bíllinn. Það þýðir 720 öskrandi hestöfl og 770 Nm tog úr 3,9 lítra V8 vélinni með tveimur forþjöppum.

Það dugar þessum nýja Ferrari að taka sprettinn í 100 á 2,9 sekúndum og uppí 200 á 7,8 sekúndum, eða hálfri sekúndu fyrr en á 488 GTB. Hámarkshraði bílsins verður 340 km/klst eða 10 km hraðari en forverinn. Ferrari fullyrðir að ekkert forþjöppuhik sé í bílnum.

Ferrari F8 Tributo er aðeins 1.330 kg enda smíðaður úr léttum efnum þótt sterkur sé. Ferrari segir að nýi bíllinn kljúfi vindinn 10% betur en forverinn. Nokkrar breytingar eru einnig í innanrými F8 Tributo og meðal annars fær hann nýtt stýri og 7 tommu snertiskjá í mælaborðið. Blaðamenn mun njóta þess að fá fyrstir að berja þennan bíl augum á pressudögunum tveimur sem eru á undan formlegri opnun bílasýningarinnar í Genf og hefjast blaðadagarnir 5. mars.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.