Viðskipti erlent

Tæknirisinn Amazon opnar matvöruverslanir

Kristinn Ingi Jónsson skrifar
Amazon hyggst hrista upp í matvörumarkaðinum.
Amazon hyggst hrista upp í matvörumarkaðinum. Nordicphotos/Getty
Tæknirisinn Amazon hefur áform um að opna fjölda matvöruverslana í helstu stórborgum Bandaríkjanna á næstu misserum, samkvæmt heimildum Wall Street Journal.

Gert er ráð fyrir að fyrirtækið opni fyrstu verslunina í Los Angeles fyrir lok þessa árs. Þá hafa stjórnendur Amazon jafnframt gengið frá leigusamningum um húsnæði fyrir að minnsta kosti tvær aðrar verslanir sem er búist við að opni snemma á næsta ári, eftir því sem heimildir Wall Street Journal herma.

Umræddar verslanir verða ólíkar verslunum keðjunnar Whole Foods sem Amazon keypti árið 2017. Ekki er hins vegar vitað hvort nýju verslanirnar verða reknar undir merkjum Amazon eða hvort nýtt vörumerki verður búið til fyrir þær.

Auk þess að opna nýjar matvöruverslanir hafa forsvarsmenn tæknirisans áhuga á því að kaupa fleiri matvörukeðjur, að sögn Wall Street Journal, sem gætu hjálpað fyrirtækinu að auka hlutdeild sína á bandaríska markaðinum.

Nokkuð er síðan Amazon opnaði nýja tegund matvöruverslana undir nafninu Amazon Go en verslanirnar, sem eru án starfsmanna og afgreiðslukassa, virka þannig að skynjarar og myndavélar fylgjast með því hvað viðskiptavinir taka úr hillunum. Hyggst Amazon opna fleiri slíkar verslanir.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
3,09
46
152.492
EIK
1,18
5
173.440
ARION
1,09
13
52.203
SIMINN
0,81
6
38.445
VIS
0,75
3
41.610

Mesta lækkun dagsins


Félag
Br.%
Fjöldi
Velta*
FESTI
-0,85
7
97.115
SJOVA
-0,53
7
79.140
MAREL
-0,48
9
31.524
REITIR
-0,29
4
63.375
ISB
-0,16
13
36.636
Velkomin á Vísi. Þessi vefur notar vafrakökur. Sjá nánar.