Sport

Sendur aftur í fangelsi eftir að hafa kynferðislega áreitt 77 ára gamla konu

Henry Birgir Gunnarsson skrifar
Winslow í leik með Jets.
Winslow í leik með Jets. vísir/getty

Fyrrum NFL-leikmaðurinn Kellen Winslow er kominn aftur í steininn og mun dúsa þar lengi enda með margar kærur á bakinu.

Honum var stungið aftur í steininn í upphafi vikunnar en hann hafði gengið laus á reynslulausn. Winslow braut gegn 77 ára gamalli konu í líkamsræktarstöð. Hann snerti sjálfa sig fyrir framan hana og þuklaði svo á henni í heitum potti.

Winslow slapp á reynslulausn síðasta sumar en nokkrum dögum síðar hrundu inn sex kærur um kynferðislega glæpi. Allar gegn eldri konum.

Hann hefur verið kærður um að nauðga tveimur konum á sextugsaldri og einnig fyrir að brjótast inn til tveggja kvenna með það í huga að nauðga þeim. Þær eru 71 og 86 ára gamlar. Svo var hann einnig kærður fyrir að bera sig fyrir konum á sextugsaldri.

Hinn 35 ára gamli Winslow var fyrst kærður fyrir nauðgun er hann var 19 ára gamall. Hann lék í NFL-deildinni frá 2004 til 2013. Hann spilaði með Cleveland, Tampa Bay, Seattle, New England og NY Jets sem innherji.

NFL


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.