Kvöldfréttir Stöðvar 2 í beinni útsendingu

Fíkniefnasalar snúa sér í auknum mæli að smygli á lyfseðilsskyldum lyfjum þar sem gróðinn er meiri, áhættan minni og viðurlögin vægari. Eftirspurnin er einnig mikil enda kaupir þriðjungur þeirra sem kemur á Vog lyfseðilsskyld lyf á svörtum markaði. Fjallað verður um málið í kvöldfréttatíma Stöðvar 2 kl. 18:30

Einnig verður fjallað um nýtt frumvarp um að ríkið greiði sálfræðikostnað en mikil samstaða er um málið á þingi, við tökum stöðuna á vegagjöldum en miðað við samkomulag um samgönguáætlun þarf Alþingi að móta stefnu sína um málið á næstu þremur þingdögum og við ræðum við verkalýðsleiðtoga sem funduðu hjá Ríkissáttasemjara í dag.

Einnig er viðtal við konu sem vill meiri umræðu um ófrjósemi en hún fór í tíu frjósemisaðgerðir áður en hún eignaðist loks barn, eftir að hafa fengið gjafaegg hjá systur sinni.

Þetta og margt fleira í kvöldfréttatíma á samtengdum rásum Stöðvar 2, Bylgjunnar og Vísis.