Þokast afskaplega hægt og hugnast ekki tillögur SA um vinnustaðabreytingar Kolbeinn Tumi Daðason og Sunna Sæmundsdóttir skrifa 16. janúar 2019 14:47 Vilhjálmur, Ragnar Þór og Sólveig Anna á fundinum í morgun. Vísir/Vilhelm Formenn þriggja verkalýðsfélaga sem 67 þúsund landsmenn tilheyra segja myndina skýrari eftir fund með atvinnurekendum og ríkissáttasemjara í dag. Formaður VR hafði boðað möguleg viðræðuslit ef svör fengust ekki. Hann er sáttur að hafa fengið svörin en minni ánægja er með sjálf svörin. „Ég talaði um viðræðuslit ef við fengjum ekki afstöðu,“ segir Ragnar Þór Ingólfsson, formaður VR. Viðræðum verði ekki slitið að svo stöddu. Hann mun líkt og Sólveig Anna Jónsdóttir, formaður Eflingar, og Vilhjálmur Birgisson, formaður VLFA, funda með samninganefndum sínum í dag eða á morgun og fara yfir stöðu mála. Boðað hefur verið til næsta fundar með Samtökum atvinnulífsins hjá sáttasemjara á mánudag. „Við fengum mun skýrari afstöðu okkar viðsemjanda til okkar kröfugerðar. Fengum það sem við höfum verið að kalla eftir frá því við hófum viðræður við SA. Við munum væntanlega fara með það í okkar bakland, okkar samninganefnd, og meta stöðuna. Við munum hittast á mánudaginn næsta og gera grein fyrir okkar mati á stöðunni,“ segir Ragnar.Halldór Benjamín Þorbergsson, framkvæmdastjóri SA, og Bryndís Hlöðversdóttir Vísir/Vilhelm„Við fengum afstöðu Samtaka atvinnulífsins til okkar kröfugerðar og hversu mikið og langt þeir eru tilbúnir að ganga til þess að mæta okkar kröfum. Það liggur nú fyrir. Það er sú afstaða sem við höfum verið að þrýsta á, fá svör hversu mikið þeir eru tilbúnir að koma til móts við okkur.“ Fram kom í máli formannanna að þeir gætu ekki tjáð sig efnislega um viðræðurnar. „Það er ljóst að stjórnvöld munu þurfa að koma að lausn deilunnar. Ábyrgð bæði okkar í verkalýðshreyfingunni, Samtaka atvinnulífsins og stjórnvalda er gríðarlega mikil í að hér verði ekki átök. Við erum að nálgast málið af slíkri ábyrgð. Við tökum þessar samningaviðræður mjög alvarlega. Við sjáum og vitum að það þarf að koma til einhvers konar kerfisbreytinga til að lesya langvarandi lífskjaravanda hópa innan okkar raða og ASÍ.“ Of snemmt sé að segja til um hvort til verkfalla geti komið. „Þetta eru flóknir samningar, ábyrgðin er mikil og við munum leggja allt í sölurnar til að ná árangri næstu daga og vikur.“Sólveig Anna segir fundinn svo sem hafa gengið ágætlega. „Nú funda ég með minni samninganefnd annað kvöld þar sem ég fer yfir það sem við ræddum á þessum fundi,“ segir Sólveig Anna. Hún ætlar að virða þá niðurstöðu að úttala sig ekki um efni fundarins í fjölmiðlum. „Ég ætla að virða það eftir bestu getu,“ segir Sólveig. Staðan sé viðkvæm eins og allir viti. „Ef við erum að þokast þá þokumst við í það minnsta afskaplega hægt.“Vilhjálmur Birgisson var ekki hátt uppi eftir fundinn. Hann hefði ekkert gengið rosalega vel. „Myndin skýrist betur. Nú vitum við hvað Samtök atvinnulífsins er að tala um. Við þurfum að vega það og meta. Það er ljóst að afstaða þeirra er ekki að breytast mikið. Við gerum okkur grein fyrir því að ábyrgðin er mikil hjá okkur að ná saman samningum en ábyrgðin liggur ekki bara hjá okkur. Hún liggur líka hjá Samtökum atvinnulífsins og stjórnvöldum og það er til mikils að vinna að forða því að hér stefni í hörð verkfallsátök.“ Ýmislegt beri á milli, það sé alveg ljóst. „Þeir eru með ýmsar hugmyndir varðandi vinnustaðabreytingar sem okkur hugnast ekki, það nema að síður sé. Núna höfum við skýrari mynd hvað er raunverulega verið að tala um.“ Hann ítrekar að gríðarlega mikið sé undir.„Ef stefnir í hörð verkfallsátök þurfum við að vanda okkur til að koma í veg fyrir slíkt. Ég ætla að vona það besta en svo sannarlega búa mig undir það versta.“ Markmiðið sé skýrt. „Við ætlum okkur að auka ráðstöfunartekjur þeirra sem höllustum fæti standa í íslensku samfélagi. Það er hægt að gera það með margvíslegum hætti. Það er hægt í samspili með atvinnurekendum og stjórnvöldum.“ Skoða þurfi allar leiðir til þess að standa við bak fólksins sem nái ekki endum saman. „Því það er lýðheilsumál í mínum huga að fólk geti framfleitt sér frá mánuði til mánaðar og haldið mannlegri reisn, en slíku er ekki til að dreifa í dag. Því miður.“ Samningar félaganna þriggja losnuðu um áramótin. Samtök atvinnulífsins hafa sagt opnir fyrir því að breytingar á samningum verði afturvirkar til 1. janúar 2019. Næsti fundur í deilunni verður í húsakynnum ríkissáttasemjara á mánudaginn. Kjaramál Mest lesið Reiður Trump segir Schumer að fara til helvítis Erlent Vestmanneyingar „slógu velferðarskjaldborg“ yfir gesti Innlent Stúlkan sem fór í sjóinn er látin Innlent Landsvirkjun sé ekki „löngu búin að semja“ við alla landeigendur Innlent Fagna afmæli virkjunar sem sökkti sveitajörðum en rafvæddi síldarbæ Innlent Grunaður um að myrða heila fjölskyldu en skilja ungabarnið eftir á lífi Erlent Beinaber gísl látinn grafa eigin gröf á Gasa Erlent Búast við gasi á höfuðborgarsvæðinu og Akranesi Innlent Kvenfólkið í Eyjum bjargaði deginum Innlent Olli slysi undir áhrifum fíkniefna Innlent Fleiri fréttir Bandaríkin, innflytjendur og Gasa á Sprengisandi Olli slysi undir áhrifum fíkniefna Vestmanneyingar „slógu velferðarskjaldborg“ yfir gesti Búast við gasi á höfuðborgarsvæðinu og Akranesi Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins Sjá meira
Formenn þriggja verkalýðsfélaga sem 67 þúsund landsmenn tilheyra segja myndina skýrari eftir fund með atvinnurekendum og ríkissáttasemjara í dag. Formaður VR hafði boðað möguleg viðræðuslit ef svör fengust ekki. Hann er sáttur að hafa fengið svörin en minni ánægja er með sjálf svörin. „Ég talaði um viðræðuslit ef við fengjum ekki afstöðu,“ segir Ragnar Þór Ingólfsson, formaður VR. Viðræðum verði ekki slitið að svo stöddu. Hann mun líkt og Sólveig Anna Jónsdóttir, formaður Eflingar, og Vilhjálmur Birgisson, formaður VLFA, funda með samninganefndum sínum í dag eða á morgun og fara yfir stöðu mála. Boðað hefur verið til næsta fundar með Samtökum atvinnulífsins hjá sáttasemjara á mánudag. „Við fengum mun skýrari afstöðu okkar viðsemjanda til okkar kröfugerðar. Fengum það sem við höfum verið að kalla eftir frá því við hófum viðræður við SA. Við munum væntanlega fara með það í okkar bakland, okkar samninganefnd, og meta stöðuna. Við munum hittast á mánudaginn næsta og gera grein fyrir okkar mati á stöðunni,“ segir Ragnar.Halldór Benjamín Þorbergsson, framkvæmdastjóri SA, og Bryndís Hlöðversdóttir Vísir/Vilhelm„Við fengum afstöðu Samtaka atvinnulífsins til okkar kröfugerðar og hversu mikið og langt þeir eru tilbúnir að ganga til þess að mæta okkar kröfum. Það liggur nú fyrir. Það er sú afstaða sem við höfum verið að þrýsta á, fá svör hversu mikið þeir eru tilbúnir að koma til móts við okkur.“ Fram kom í máli formannanna að þeir gætu ekki tjáð sig efnislega um viðræðurnar. „Það er ljóst að stjórnvöld munu þurfa að koma að lausn deilunnar. Ábyrgð bæði okkar í verkalýðshreyfingunni, Samtaka atvinnulífsins og stjórnvalda er gríðarlega mikil í að hér verði ekki átök. Við erum að nálgast málið af slíkri ábyrgð. Við tökum þessar samningaviðræður mjög alvarlega. Við sjáum og vitum að það þarf að koma til einhvers konar kerfisbreytinga til að lesya langvarandi lífskjaravanda hópa innan okkar raða og ASÍ.“ Of snemmt sé að segja til um hvort til verkfalla geti komið. „Þetta eru flóknir samningar, ábyrgðin er mikil og við munum leggja allt í sölurnar til að ná árangri næstu daga og vikur.“Sólveig Anna segir fundinn svo sem hafa gengið ágætlega. „Nú funda ég með minni samninganefnd annað kvöld þar sem ég fer yfir það sem við ræddum á þessum fundi,“ segir Sólveig Anna. Hún ætlar að virða þá niðurstöðu að úttala sig ekki um efni fundarins í fjölmiðlum. „Ég ætla að virða það eftir bestu getu,“ segir Sólveig. Staðan sé viðkvæm eins og allir viti. „Ef við erum að þokast þá þokumst við í það minnsta afskaplega hægt.“Vilhjálmur Birgisson var ekki hátt uppi eftir fundinn. Hann hefði ekkert gengið rosalega vel. „Myndin skýrist betur. Nú vitum við hvað Samtök atvinnulífsins er að tala um. Við þurfum að vega það og meta. Það er ljóst að afstaða þeirra er ekki að breytast mikið. Við gerum okkur grein fyrir því að ábyrgðin er mikil hjá okkur að ná saman samningum en ábyrgðin liggur ekki bara hjá okkur. Hún liggur líka hjá Samtökum atvinnulífsins og stjórnvöldum og það er til mikils að vinna að forða því að hér stefni í hörð verkfallsátök.“ Ýmislegt beri á milli, það sé alveg ljóst. „Þeir eru með ýmsar hugmyndir varðandi vinnustaðabreytingar sem okkur hugnast ekki, það nema að síður sé. Núna höfum við skýrari mynd hvað er raunverulega verið að tala um.“ Hann ítrekar að gríðarlega mikið sé undir.„Ef stefnir í hörð verkfallsátök þurfum við að vanda okkur til að koma í veg fyrir slíkt. Ég ætla að vona það besta en svo sannarlega búa mig undir það versta.“ Markmiðið sé skýrt. „Við ætlum okkur að auka ráðstöfunartekjur þeirra sem höllustum fæti standa í íslensku samfélagi. Það er hægt að gera það með margvíslegum hætti. Það er hægt í samspili með atvinnurekendum og stjórnvöldum.“ Skoða þurfi allar leiðir til þess að standa við bak fólksins sem nái ekki endum saman. „Því það er lýðheilsumál í mínum huga að fólk geti framfleitt sér frá mánuði til mánaðar og haldið mannlegri reisn, en slíku er ekki til að dreifa í dag. Því miður.“ Samningar félaganna þriggja losnuðu um áramótin. Samtök atvinnulífsins hafa sagt opnir fyrir því að breytingar á samningum verði afturvirkar til 1. janúar 2019. Næsti fundur í deilunni verður í húsakynnum ríkissáttasemjara á mánudaginn.
Kjaramál Mest lesið Reiður Trump segir Schumer að fara til helvítis Erlent Vestmanneyingar „slógu velferðarskjaldborg“ yfir gesti Innlent Stúlkan sem fór í sjóinn er látin Innlent Landsvirkjun sé ekki „löngu búin að semja“ við alla landeigendur Innlent Fagna afmæli virkjunar sem sökkti sveitajörðum en rafvæddi síldarbæ Innlent Grunaður um að myrða heila fjölskyldu en skilja ungabarnið eftir á lífi Erlent Beinaber gísl látinn grafa eigin gröf á Gasa Erlent Búast við gasi á höfuðborgarsvæðinu og Akranesi Innlent Kvenfólkið í Eyjum bjargaði deginum Innlent Olli slysi undir áhrifum fíkniefna Innlent Fleiri fréttir Bandaríkin, innflytjendur og Gasa á Sprengisandi Olli slysi undir áhrifum fíkniefna Vestmanneyingar „slógu velferðarskjaldborg“ yfir gesti Búast við gasi á höfuðborgarsvæðinu og Akranesi Landsvirkjun sé ekki „löngu búin að semja“ við alla landeigendur Fagna afmæli virkjunar sem sökkti sveitajörðum en rafvæddi síldarbæ Kvenfólkið í Eyjum bjargaði deginum Skinkur og Sykurpabbar skemmta sér á Egilsstöðum Blússandi stemning á harmonikkuhátíð á Borg Stúlkan sem fór í sjóinn er látin Aldrei upplifað annað eins: „Það eru öll stígvél á þessari eyju uppseld“ Stígvélaskortur í Eyjum og brekkusöngur í Kópavogi Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins Sjá meira