Hvíta húsið kannar að lýsa yfir neyðarástandi Samúel Karl Ólason skrifar 7. janúar 2019 21:45 Donald Trump, forseti Bandaríkjanna. AP/Alex Brandon Mike Pence, varaforseti Bandaríkjanna, segir starfsmenn Hvíta hússins vera að skoða að lýsa yfir neyðarástandi við landamæri Bandaríkjanna og Mexíkó. Slíkt myndi veita Donald Trump, forseta, vald til að byggja múr á landamærunum, án aðkomu þingsins. Meðal þess sem verið er að skoða er hvort slíkt væri lögum samkvæmt. Það þykir ekki ljóst og slík yfirlýsing þyrfti án efa að fara í gegnum langt dómsferli. Um þriðjungi alríkisstofnanna Bandaríkjanna hefur nú verið lokað í rúmar tvær vikur vegna deilna um múrinn. Trump neitar að skrifa undir fjárlög án þess að fá 5,7 milljarðar dala til að byggja múr á hluta landamæranna og Demókratar, sem stjórna fulltrúadeild Bandaríkjaþings, neita að samþykkja slíka fjárveitingu. Trump hélt því áður fram að Mexíkó myndi greiða fyrir múrinn. Mexíkó neitaði hins vegar að gera það. Ekkert útlit er fyrir að lausn finnist á deilunni en Trump hefur stungið upp á því að múrinn verði gerður úr stáli, frekar en steypu, og vonaðist hann til þess að Demókrötum litist betur á það. Svo virðist þó ekki vera. Þeir segja óhagkvæmt að byggja múr á gífurlega löngum landamærum ríkjanna Pence og Kirstjen Nielsen, yfirmaður Heimavarnarráðuneytis Bandaríkjanna, héldu blaðamannafund í kvöld. Þar gagnrýndi Pence Demókrata fyrir að vilja ekki semja um byggingu múrsins og sagði hann sömuleiðis að Trump myndi ekki víkja frá kröfu sinni um 5,7 milljarða dala. Þá afhentu þau blaðamönnum línurit sem sýna eigi af hverju neyðarástand ríki á landamærunum. Línurit þessi hafa þó verið gagnrýnd vegna þess að þar er áætlað að ástandið muni versna til muna en engin rök færð fyrir því. Þá er ljóst að tölur þessar eiga að miklu leyti við aðila sem fara ekki inn í Bandaríkin í gegnum Mexíkó.The WH also handed out charts to make their case that there is a humanitarian and national security crisis on the southern border. But, Secretary Nielsen said it’s classified how many potential terrorists have been stopped on the southern border trying to enter the US. pic.twitter.com/LosbGSSPDh — Yamiche Alcindor (@Yamiche) January 7, 2019 Ríkisstjórn Donald Trump hefur einnig haldið því fram að þörf sé á Múrnum vegna þess hve margir hryðjuverkamenn reyni að komast yfir landamærin. Sarah Sanders, upplýsingafulltrúi Hvíta hússins, sagði fyrir helgina að tæplega fjögur þúsund grunaðir hryðjuverkamenn hefðu verið stöðvaðir við landamærin í fyrra. NBC segir þær tölur þó byggja á gögnum frá árinu 2017 og þau gögn eigi að mestu við aðila sem hafi reynt að ferðast til Bandaríkjanna með flugvél. Þá sagði Nielsen í kvöld að frá 1. október 2017 og til 31. mars 2018 hefðu rétt rúmlega 40 aðilar, sem eru á lista yfir grunaða hryðjuverkamenn, verið stöðvaðir á landamærunum. Þar af var mikill meirihluti ríkisborgarar eða með dvalarleyfi í Bandaríkjunum.Aðeins sex þeirra falla í raun undir þá skilgreiningu sem Sanders notaði.Sagði ósatt um fyrrverandi forseta Trump hélt því fram á föstudaginn að fyrrverandi forseti Bandaríkjanna hefði lýst yfir stuðningi við byggingu múrsins. Allir núlifandi fyrrverandi forsetar Bandaríkjanna, að Barack Obama undanskildum, hafa þó lýst því yfir að þeir hafi ekki sagst vilja múr á landamærunum. Þó Obama hafi ekki lýst því yfir að hann hafi ekki rætt við Trump um málið hefur hann þó margsinnis lýst því yfir opinberlega að hann sé andvígur múrnum.Barátta Trump og starfsmanna hans virðist nú snúast um almenningsálit Bandaríkjamanna. Trump hefur tilkynnt að hann ætli að ferðast til landamæranna til að skoða ástandið og þar að auki ætlar hann sér að ávarpa þjóðina annað kvöld. Það verður í fyrsta sinn sem Trump ávarpar þjóðina úr skrifstofu forsetans og sagði hann á Twitter í kvöld að ávarpið væri um mannúðar- og öryggisneyðarástandið á landamærunum.I am pleased to inform you that I will Address the Nation on the Humanitarian and National Security crisis on our Southern Border. Tuesday night at 9:00 P.M. Eastern. — Donald J. Trump (@realDonaldTrump) January 7, 2019 Það er þó alls ekki víst að stærstu sjónvarpsstöðvar Bandaríkjanna vilji gera hlé á útsendingum sínum á kjörtíma til að sýna ávarp forsetans. Fréttastöðvar eins og CNN hafa þó ákveðið að sýna ávarpið en áhorfendur þeirra eru færri en hinna stöðvanna. Eins og New York Times bendir á hafa útsendingar verið stöðvaðar áður vegna ávarpa forseta en þau ávörp hafa þó oftar en ekki snúið að málefnum sem þykja mikilvæg hag Bandaríkjanna. Forsvarsmenn sjónvarpsstöðva hafa einnig neitað að sýna ávörp þar sem þau hafa ekki þótt nægilega fréttnæm.Segist skilja stöðu launafólks Trump sagði blaðamönnum í gær að hann skildi stöðu þeirra opinberu starfsmanna sem hafi ekki fengið greidd laun og hafi ekki geta unnið í rúmar tvær vikur. „Ég tengi og ég er viss um að þau geri ráðstafanir. Þau gera það alltaf,“ sagði Trump. Hann bætti svo við að margir þessarra starfsmanna væru sammála honum um þörfina á múr. Þar að auki sagði Trump að múrinn myndi borga sig sjálfur, án þess þó að færa nokkur rök fyrir því hvernig bandaríska ríkið myndi græða á byggingu múrsins. Bandaríkin Donald Trump Mexíkó Mest lesið „Það er enginn sem verndar son okkar“ Innlent Sveddi sagður með tengsl við ítölsku mafíuna Innlent Hraun mjakast yfir varnargarð Innlent Forsetavaktin 2024: Hver verður sjöundi forseti lýðveldisins? Innlent Fylgi Höllu Hrundar ekki fast í hendi Innlent Krefjast skýringa á brotthvarfi Maríu Sigrúnar Innlent Tíu kílómetrar eftir af hundrað: Gangan miklu erfiðari en hann óraði fyrir Innlent Uppgangur Höllu Hrundar fari fyrir brjóstið á „valdastéttinni“ Innlent Mikil gleði þegar Bergur komst í mark Innlent Ný gossprunga geti opnast fyrirvaralaust á næstunni Innlent Fleiri fréttir Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Sjá meira
Mike Pence, varaforseti Bandaríkjanna, segir starfsmenn Hvíta hússins vera að skoða að lýsa yfir neyðarástandi við landamæri Bandaríkjanna og Mexíkó. Slíkt myndi veita Donald Trump, forseta, vald til að byggja múr á landamærunum, án aðkomu þingsins. Meðal þess sem verið er að skoða er hvort slíkt væri lögum samkvæmt. Það þykir ekki ljóst og slík yfirlýsing þyrfti án efa að fara í gegnum langt dómsferli. Um þriðjungi alríkisstofnanna Bandaríkjanna hefur nú verið lokað í rúmar tvær vikur vegna deilna um múrinn. Trump neitar að skrifa undir fjárlög án þess að fá 5,7 milljarðar dala til að byggja múr á hluta landamæranna og Demókratar, sem stjórna fulltrúadeild Bandaríkjaþings, neita að samþykkja slíka fjárveitingu. Trump hélt því áður fram að Mexíkó myndi greiða fyrir múrinn. Mexíkó neitaði hins vegar að gera það. Ekkert útlit er fyrir að lausn finnist á deilunni en Trump hefur stungið upp á því að múrinn verði gerður úr stáli, frekar en steypu, og vonaðist hann til þess að Demókrötum litist betur á það. Svo virðist þó ekki vera. Þeir segja óhagkvæmt að byggja múr á gífurlega löngum landamærum ríkjanna Pence og Kirstjen Nielsen, yfirmaður Heimavarnarráðuneytis Bandaríkjanna, héldu blaðamannafund í kvöld. Þar gagnrýndi Pence Demókrata fyrir að vilja ekki semja um byggingu múrsins og sagði hann sömuleiðis að Trump myndi ekki víkja frá kröfu sinni um 5,7 milljarða dala. Þá afhentu þau blaðamönnum línurit sem sýna eigi af hverju neyðarástand ríki á landamærunum. Línurit þessi hafa þó verið gagnrýnd vegna þess að þar er áætlað að ástandið muni versna til muna en engin rök færð fyrir því. Þá er ljóst að tölur þessar eiga að miklu leyti við aðila sem fara ekki inn í Bandaríkin í gegnum Mexíkó.The WH also handed out charts to make their case that there is a humanitarian and national security crisis on the southern border. But, Secretary Nielsen said it’s classified how many potential terrorists have been stopped on the southern border trying to enter the US. pic.twitter.com/LosbGSSPDh — Yamiche Alcindor (@Yamiche) January 7, 2019 Ríkisstjórn Donald Trump hefur einnig haldið því fram að þörf sé á Múrnum vegna þess hve margir hryðjuverkamenn reyni að komast yfir landamærin. Sarah Sanders, upplýsingafulltrúi Hvíta hússins, sagði fyrir helgina að tæplega fjögur þúsund grunaðir hryðjuverkamenn hefðu verið stöðvaðir við landamærin í fyrra. NBC segir þær tölur þó byggja á gögnum frá árinu 2017 og þau gögn eigi að mestu við aðila sem hafi reynt að ferðast til Bandaríkjanna með flugvél. Þá sagði Nielsen í kvöld að frá 1. október 2017 og til 31. mars 2018 hefðu rétt rúmlega 40 aðilar, sem eru á lista yfir grunaða hryðjuverkamenn, verið stöðvaðir á landamærunum. Þar af var mikill meirihluti ríkisborgarar eða með dvalarleyfi í Bandaríkjunum.Aðeins sex þeirra falla í raun undir þá skilgreiningu sem Sanders notaði.Sagði ósatt um fyrrverandi forseta Trump hélt því fram á föstudaginn að fyrrverandi forseti Bandaríkjanna hefði lýst yfir stuðningi við byggingu múrsins. Allir núlifandi fyrrverandi forsetar Bandaríkjanna, að Barack Obama undanskildum, hafa þó lýst því yfir að þeir hafi ekki sagst vilja múr á landamærunum. Þó Obama hafi ekki lýst því yfir að hann hafi ekki rætt við Trump um málið hefur hann þó margsinnis lýst því yfir opinberlega að hann sé andvígur múrnum.Barátta Trump og starfsmanna hans virðist nú snúast um almenningsálit Bandaríkjamanna. Trump hefur tilkynnt að hann ætli að ferðast til landamæranna til að skoða ástandið og þar að auki ætlar hann sér að ávarpa þjóðina annað kvöld. Það verður í fyrsta sinn sem Trump ávarpar þjóðina úr skrifstofu forsetans og sagði hann á Twitter í kvöld að ávarpið væri um mannúðar- og öryggisneyðarástandið á landamærunum.I am pleased to inform you that I will Address the Nation on the Humanitarian and National Security crisis on our Southern Border. Tuesday night at 9:00 P.M. Eastern. — Donald J. Trump (@realDonaldTrump) January 7, 2019 Það er þó alls ekki víst að stærstu sjónvarpsstöðvar Bandaríkjanna vilji gera hlé á útsendingum sínum á kjörtíma til að sýna ávarp forsetans. Fréttastöðvar eins og CNN hafa þó ákveðið að sýna ávarpið en áhorfendur þeirra eru færri en hinna stöðvanna. Eins og New York Times bendir á hafa útsendingar verið stöðvaðar áður vegna ávarpa forseta en þau ávörp hafa þó oftar en ekki snúið að málefnum sem þykja mikilvæg hag Bandaríkjanna. Forsvarsmenn sjónvarpsstöðva hafa einnig neitað að sýna ávörp þar sem þau hafa ekki þótt nægilega fréttnæm.Segist skilja stöðu launafólks Trump sagði blaðamönnum í gær að hann skildi stöðu þeirra opinberu starfsmanna sem hafi ekki fengið greidd laun og hafi ekki geta unnið í rúmar tvær vikur. „Ég tengi og ég er viss um að þau geri ráðstafanir. Þau gera það alltaf,“ sagði Trump. Hann bætti svo við að margir þessarra starfsmanna væru sammála honum um þörfina á múr. Þar að auki sagði Trump að múrinn myndi borga sig sjálfur, án þess þó að færa nokkur rök fyrir því hvernig bandaríska ríkið myndi græða á byggingu múrsins.
Bandaríkin Donald Trump Mexíkó Mest lesið „Það er enginn sem verndar son okkar“ Innlent Sveddi sagður með tengsl við ítölsku mafíuna Innlent Hraun mjakast yfir varnargarð Innlent Forsetavaktin 2024: Hver verður sjöundi forseti lýðveldisins? Innlent Fylgi Höllu Hrundar ekki fast í hendi Innlent Krefjast skýringa á brotthvarfi Maríu Sigrúnar Innlent Tíu kílómetrar eftir af hundrað: Gangan miklu erfiðari en hann óraði fyrir Innlent Uppgangur Höllu Hrundar fari fyrir brjóstið á „valdastéttinni“ Innlent Mikil gleði þegar Bergur komst í mark Innlent Ný gossprunga geti opnast fyrirvaralaust á næstunni Innlent Fleiri fréttir Þingmaður hleypti af skoti fyrir utan skemmtistað Rýma dómshús vegna sprengjuhótunar Dómstóll fyrirskipar handtöku landbúnaðarráðherra Selenskís Ákvörðun áfrýjunardómstólsins áfall og stórt skref aftur á bak Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Sjá meira