Bæta öryggi á Akureyri með myndavélum

Lögreglan á Akureyri og Akureyrarbær hafa í samvinnu við Neyðarlínuna undirritað sam komulag um uppsetningu og rekstur nýrra löggæslumyndavéla í bænum.

Vélarnar munu leysa af hólmi eldri og úreltar vélar. Fréttablaðið hefur áður greint frá því að fáar eftirlitsmyndavélar eru staðsettar á Akureyri og ófullkomnari en nútímatækni býður upp á. 

Sjá einnig: Net eftirlitsmyndavéla verður til

Samkvæmt samkomulagi þessara þriggja aðila verða þær notaðar til að fylgjast með stöðum þar sem líklegt er talið að þær geti varpað ljósi á sakamál, svo sem líkamsárásir og skemmdarverk. 

Þannig verði mögulega hægt að fækka af brotum og hraða sakamálarannsóknum embættis lögreglunnar á svæðinu. Reiknað er með því að uppsetning hefjist í sumar.