Erlent

Kanadískur hermaður ákærður fyrir kynferðisbrot í Reykjavík

Kjartan Kjartansson skrifar
Freigátan HMCS Fredericton í höfn í Barcelona. Hún er sömu tegundar og HMCS Halifax þar sem kynferðisbrotið er sagt hafa átt sér stað.
Freigátan HMCS Fredericton í höfn í Barcelona. Hún er sömu tegundar og HMCS Halifax þar sem kynferðisbrotið er sagt hafa átt sér stað. Vísir/EPA
Liðsforingi í kanadíska hernum hefur verið ákærður fyrir að brjóta kynferðislega gegn öðrum hermanni. Brotið er sagt hafa átt sér stað þegar freigátan HMSC Halifax var í höfn í Reykjavík í fyrra.

Í frétt kanadísku fréttasíðunnar Global News kemur fram að rannsókn lögreglu hafi hafist seint í október eftir að þriðji aðili tilkynnti um að liðsmaður áhafnar freigátunnar hafi orðið fyrir kynferðisárás við skyldustörf um borð í skipinu.

Rannsakendur hafi tekið á móti skipinu þegar það kom næst til hafnar í Belgíu í byrjun nóvember. Þar hafi þeir rætt við fórnarlambið og stjórnendur skipsins. Liðsforinginn hafi síðan verið ákærður fyrir kynferðisbrot.

Kanada

Mest lesið


Fleiri fréttir

Sjá meira


×

Mest lesið