Andarnir á Kúbu vilja bara gott romm Þórarinn Þórarinsson skrifar 12. apríl 2019 07:15 Eðlilega pararðu Kúbuvindil með Kúburommi, segir Erpur og mælir með Pacto Navio og Union. Fréttablaðið/GVA „Til þess að útskýra þetta í sem einföldustu máli þá vinnur kúbanski rommskólinn eftir alveg sömu bókstafstrú á hefðir og íhaldssemi og ríkir í koníakframleiðslu og skoskri viskíframleiðslu,“ segir Erpur um þau miklu vísindi sem hann segir liggja að baki góðu rommi. „Það er mikil sérfræðiþekking á bak við réttu útkomuna ólíkt þessu algengasta „spiced“-dótaríi sem er bara eitthvert bragðefnasull. Sjö ára Havana Club hefur verið brjálæðislega rísandi eftir því sem fólk hefur verið að færa sig frá þessu „spiced“ rommi,“ segir Erpur sem ætlar sem BlazRoca að fara yfir hvað það er sem gerir gott romm gott í því sem hann kýs að kalla Romm Masterclass í kjallara Sæta svínsins í Hafnarstræti. „Menn mega auðvitað gera það sem þeim sýnist og þú getur verið með einhverjar Instagram-túður sem var verið að enda að glussa í fyrir varir en þær eru samt ekki alvöru varir. Þetta er alvöru þegar maður tekur þetta alvarlega,“ segir Erpur.Kúburomm í frönskum tunnum „Ég er búinn að gera þetta í mörg ár á Reykjavík Cocktail Weekend og er yfirleitt með fjórar rommtegundir en nú á heldur betur að blása í lúðra og vera með sex tegundir, allt frá ljósgylltu sem er hugsað í kokteila, yfir í Pacto Navio og Union sem byggja á hefð sem varð til þegar franskir farmenn sigldu með sæt vín í Bordeaux-tunnum, tæmdu þau í mannskapinn, fylltu tunnurnar af rommi og sigldu með það til baka,“ segir Erpur. „Þetta tók yfirleitt þrjá mánuði þannig að bragðið varð alveg geðsjúkt í þessum fínustu sætvínstunnum. Samkvæmt kúbversku hefðinni liggur annars rommið oftast í bourboun-tunnum, sem er alveg fínt. Union er alveg uppáhaldið mitt þessa dagana.“„Það er miklu betra að geta huggað sig við það í þynnkunni að maður hafi þó verið að drekka almennilegt romm og reykja góðan vindil. Fréttablaðið/Anton BrinkAndaveigar Erpur segir margt í romm-menningunni á Kúbu tengjast gömlu þrælatrúarbrögðunum. „Þrælarnir földu sína afrísku fjölgyðistrú í táknmyndum kaþólskunnar og þaðan er til dæmis komin hefðin fyrir því að hella út fyrir andana þegar ný rommflaska er opnuð. Og þá dugir ekkert að hella út einhverju pulsurommi. Það er bara eins og að svíkja álfkonu í Fífuhvammi að hella út Bacardi Razz fyrir andana og það færðu lóðbeint í höfuðið,“ segir Erpur. „Stemningin er alltaf frábær á þessum málstofum og þangað mæta margir miklir fagmenn og aðrir sem eru minna með á nótunum en ganga oft á tíðum út miklu fróðari. Síðan eru alltaf einn eða tveir vel hressir og þess vegna ákvað ég að hafa þetta á föstudegi núna. Þegar ég hef verið með þetta á sunnudögum hafa menn verið orðnir helvíti hoknir enda búnir að vera að alla helgina, jafnvel frá miðvikudegi. Þannig að þetta verður auðveldara fyrir kempurnar svona.“ Erpur segir romm-smökkun miklu ánægjulegri en viskí- og koníakssmökkun þótt slíkt geti verið skemmtilegt upp að vissu marki. „Síðan kemur alltaf að því að ég nenni ekki meira viskíi enda er það eins og sokkur á bragðið. Það er allt í lagi að smakka sokk aðeins en þú nennir ekki að vera með hann endalaust uppi í þér. Flottasta og fínasta viskíið er svolítið eins og að rekast á tánögl í glasinu. Bragðupplifunin er hins vegar svakaleg í kúbverska romminu og svo mikil vinna á bak við þennan bragðsirkus sem þú upplifir. Þannig að þú færð alvöru upplifun og það sem meira er, umfram viskíið, er að þú getur klárað flöskuna.“Sá ljósið frá Kúbu Erpur segist hafa byrjað rommdrykkju sína ungur á alíslenskum forsendum. „Ég byrjaði á sínum tíma að lepja Captain Morgan og fór úr því í Bacardi og Ronrico en þegar bróðir minn kom með Havana Club frá Kúbu, löngu áður en það var hægt að kaupa það hér, þá vissi ég að örlög mín voru ráðin. Romm-menningin hérna er alltaf að verða betri og betri og alvöru fíndrykkja á rommi er alveg búin að magnast upp. Og þótt öll Havana Club-línan sé nú ekki til í Ríkinu þá er alveg hægt að velja úr fimm, sex boðlegum rommtegundum í ÁTVR,“ segir Erpur. toti@frettabladid.is Birtist í Fréttablaðinu Mest lesið Lauk krefjandi háskólanámi og barðist við lífshættuleg veikindi á sama tíma Lífið Skotin flakka milli Enoks og Birgittu: „Settu franskarnar í pokann“ Lífið Reisa styttu af Birni í Kópavogi Lífið Drake kom fram á tónleikum í 66°Norður Lífið Krakkatían: Mona Lisa, VÆB og Þjóðhátíð Lífið Segja Freddie Mercury eiga laundóttur Lífið Ósérhlífinn starfsmaður bjargaði ómvölum frá endurvinnslu Lífið Gellur fjölmenntu í sumarpartý Ingu Lindar Lífið Sinnir sjúklingum í sama herbergi og hún fékk greiningu Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Fleiri fréttir Drake kom fram á tónleikum í 66°Norður Reisa styttu af Birni í Kópavogi Lauk krefjandi háskólanámi og barðist við lífshættuleg veikindi á sama tíma Krakkatían: Mona Lisa, VÆB og Þjóðhátíð Segja Freddie Mercury eiga laundóttur Skotin flakka milli Enoks og Birgittu: „Settu franskarnar í pokann“ Sinnir sjúklingum í sama herbergi og hún fékk greiningu Fréttatía vikunnar: Evrópudeildin, kappakstur og sólmyrkvi Billy Joel greindist með heilasjúkdóm Gimbur borin með svart hjarta á bakinu Eva Laufey og Haraldur selja húsið á Skaganum Gellur fjölmenntu í sumarpartý Ingu Lindar Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Sjá meira
„Til þess að útskýra þetta í sem einföldustu máli þá vinnur kúbanski rommskólinn eftir alveg sömu bókstafstrú á hefðir og íhaldssemi og ríkir í koníakframleiðslu og skoskri viskíframleiðslu,“ segir Erpur um þau miklu vísindi sem hann segir liggja að baki góðu rommi. „Það er mikil sérfræðiþekking á bak við réttu útkomuna ólíkt þessu algengasta „spiced“-dótaríi sem er bara eitthvert bragðefnasull. Sjö ára Havana Club hefur verið brjálæðislega rísandi eftir því sem fólk hefur verið að færa sig frá þessu „spiced“ rommi,“ segir Erpur sem ætlar sem BlazRoca að fara yfir hvað það er sem gerir gott romm gott í því sem hann kýs að kalla Romm Masterclass í kjallara Sæta svínsins í Hafnarstræti. „Menn mega auðvitað gera það sem þeim sýnist og þú getur verið með einhverjar Instagram-túður sem var verið að enda að glussa í fyrir varir en þær eru samt ekki alvöru varir. Þetta er alvöru þegar maður tekur þetta alvarlega,“ segir Erpur.Kúburomm í frönskum tunnum „Ég er búinn að gera þetta í mörg ár á Reykjavík Cocktail Weekend og er yfirleitt með fjórar rommtegundir en nú á heldur betur að blása í lúðra og vera með sex tegundir, allt frá ljósgylltu sem er hugsað í kokteila, yfir í Pacto Navio og Union sem byggja á hefð sem varð til þegar franskir farmenn sigldu með sæt vín í Bordeaux-tunnum, tæmdu þau í mannskapinn, fylltu tunnurnar af rommi og sigldu með það til baka,“ segir Erpur. „Þetta tók yfirleitt þrjá mánuði þannig að bragðið varð alveg geðsjúkt í þessum fínustu sætvínstunnum. Samkvæmt kúbversku hefðinni liggur annars rommið oftast í bourboun-tunnum, sem er alveg fínt. Union er alveg uppáhaldið mitt þessa dagana.“„Það er miklu betra að geta huggað sig við það í þynnkunni að maður hafi þó verið að drekka almennilegt romm og reykja góðan vindil. Fréttablaðið/Anton BrinkAndaveigar Erpur segir margt í romm-menningunni á Kúbu tengjast gömlu þrælatrúarbrögðunum. „Þrælarnir földu sína afrísku fjölgyðistrú í táknmyndum kaþólskunnar og þaðan er til dæmis komin hefðin fyrir því að hella út fyrir andana þegar ný rommflaska er opnuð. Og þá dugir ekkert að hella út einhverju pulsurommi. Það er bara eins og að svíkja álfkonu í Fífuhvammi að hella út Bacardi Razz fyrir andana og það færðu lóðbeint í höfuðið,“ segir Erpur. „Stemningin er alltaf frábær á þessum málstofum og þangað mæta margir miklir fagmenn og aðrir sem eru minna með á nótunum en ganga oft á tíðum út miklu fróðari. Síðan eru alltaf einn eða tveir vel hressir og þess vegna ákvað ég að hafa þetta á föstudegi núna. Þegar ég hef verið með þetta á sunnudögum hafa menn verið orðnir helvíti hoknir enda búnir að vera að alla helgina, jafnvel frá miðvikudegi. Þannig að þetta verður auðveldara fyrir kempurnar svona.“ Erpur segir romm-smökkun miklu ánægjulegri en viskí- og koníakssmökkun þótt slíkt geti verið skemmtilegt upp að vissu marki. „Síðan kemur alltaf að því að ég nenni ekki meira viskíi enda er það eins og sokkur á bragðið. Það er allt í lagi að smakka sokk aðeins en þú nennir ekki að vera með hann endalaust uppi í þér. Flottasta og fínasta viskíið er svolítið eins og að rekast á tánögl í glasinu. Bragðupplifunin er hins vegar svakaleg í kúbverska romminu og svo mikil vinna á bak við þennan bragðsirkus sem þú upplifir. Þannig að þú færð alvöru upplifun og það sem meira er, umfram viskíið, er að þú getur klárað flöskuna.“Sá ljósið frá Kúbu Erpur segist hafa byrjað rommdrykkju sína ungur á alíslenskum forsendum. „Ég byrjaði á sínum tíma að lepja Captain Morgan og fór úr því í Bacardi og Ronrico en þegar bróðir minn kom með Havana Club frá Kúbu, löngu áður en það var hægt að kaupa það hér, þá vissi ég að örlög mín voru ráðin. Romm-menningin hérna er alltaf að verða betri og betri og alvöru fíndrykkja á rommi er alveg búin að magnast upp. Og þótt öll Havana Club-línan sé nú ekki til í Ríkinu þá er alveg hægt að velja úr fimm, sex boðlegum rommtegundum í ÁTVR,“ segir Erpur. toti@frettabladid.is
Birtist í Fréttablaðinu Mest lesið Lauk krefjandi háskólanámi og barðist við lífshættuleg veikindi á sama tíma Lífið Skotin flakka milli Enoks og Birgittu: „Settu franskarnar í pokann“ Lífið Reisa styttu af Birni í Kópavogi Lífið Drake kom fram á tónleikum í 66°Norður Lífið Krakkatían: Mona Lisa, VÆB og Þjóðhátíð Lífið Segja Freddie Mercury eiga laundóttur Lífið Ósérhlífinn starfsmaður bjargaði ómvölum frá endurvinnslu Lífið Gellur fjölmenntu í sumarpartý Ingu Lindar Lífið Sinnir sjúklingum í sama herbergi og hún fékk greiningu Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Fleiri fréttir Drake kom fram á tónleikum í 66°Norður Reisa styttu af Birni í Kópavogi Lauk krefjandi háskólanámi og barðist við lífshættuleg veikindi á sama tíma Krakkatían: Mona Lisa, VÆB og Þjóðhátíð Segja Freddie Mercury eiga laundóttur Skotin flakka milli Enoks og Birgittu: „Settu franskarnar í pokann“ Sinnir sjúklingum í sama herbergi og hún fékk greiningu Fréttatía vikunnar: Evrópudeildin, kappakstur og sólmyrkvi Billy Joel greindist með heilasjúkdóm Gimbur borin með svart hjarta á bakinu Eva Laufey og Haraldur selja húsið á Skaganum Gellur fjölmenntu í sumarpartý Ingu Lindar Nadía og Arnar selja fallegt hús í Hafnarfirði „Hæ allir saman, kjósið New Day Will Rise“ „Erum við að reyna fá fólk til þess að vera svikara“ Á spítala eftir samfarir við 583 menn Hjálmar með upplyftandi morgunkveðju Níu ára toppaði Hvannadalshnjúk og renndi sér niður Ósérhlífinn starfsmaður bjargaði ómvölum frá endurvinnslu Kim „loksins“ útskrifuð Frumsýning á Cannes og gullhamrar Bill Murray: „Nú er ég búin að toppa mig algjörlega“ Sigurvegarinn vill banna Ísrael Tilkynna um 29 ný atriði á Iceland Airwaves Rúrik fellur í skuggann á kynþokkafullum Jóni Var hent í ljónagryfjuna þegar hann fór inn á Vog Color Run flytur úr Laugardal og í Kópavog Dunda dömurnar fögnuðu í bongó blíðu Baltasar Kormákur og Ólafur Jóhann saman í Þjóðleikhúsinu Dulúðug hvít andlit: „Nú horfi ég á þetta allt öðruvísi“ Keyptu glæsihús Atlanta-hjónanna á undirverði Sjá meira