Ari Ólafsson komst ekki áfram í Eurovision en hann kom fram í Altice höllinni í Lissabon í Portúgal í gær og flutti lagið Our Choice í fyrri undanúrslitariðlinum.
Sérfræðingar segja að þetta hafi verið besti undanúrslitariðill í sögu Eurovision og sumir ganga svo langt að segja að kvöldið í gær hafi verið betra en laugardagskvöldið sem framundan er.
Í Júrógarðinum í dag mætir Stefanía Gunnarsdóttir, verkefnastjóri hjá framleiðslufyrirtækinu Sahara, í heimsókn og ræðir gærkvöldið við Stefán Árna Pálsson.
Bæði voru þau sammála um að Ari Ólafsson hefði staðið sig mjög vel og ekki geta gert neitt betur í höllinni í gær.
Umsjónarmaður þáttarins er Stefán Árni Pálsson sem er staddur út í Lissabon. Hann fær til sín góða gesti í heimsókn á hverjum degi.
Fréttastofa Vísis og Stöðvar 2 verður með ítarlega umfjöllun frá Eurovision í Lissabon. Fréttamaðurinn Stefán Árni Pálsson sér um vefþáttinn Júrógarðinn og aðra umfjöllun hér á Vísi og í fréttum Stöðvar 2 á hverjum degi í gegnum alla keppnina.
Júrógarðurinn: Hvernig kemst Ísland áfram í Eurovision?
Tengdar fréttir
Júrógarðurinn: Sérfræðingar spá í spilin
Ari Ólafsson kemur fram á dómararennslinu í Eurovision í Lissabon í kvöld en hann gekk bláa dregilinn við MAAT listasafnið í borginni í gær og síðan er komið að stóru stundinni annað kvöld.
Júrógarðurinn: Þetta eru uppáhaldslög Gísla Marteins í ógnarsterkum riðli Íslands
Ari Ólafsson stígur á sviðið í Altice höllinni í Lissabon í Portúgal í kvöld og flytur lagið lagið Our Choice í fyrri undanúrslitariðlinum.
Júrógarðurinn: Íslenski hópurinn eltur af leynilögreglumönnum
Ari Ólafsson kemur fram á fyrra undanúrslitakvöldinu í Eurovision í Lissabon á þriðjudagskvöldið. Þá mun hann flytja lagið Our Choice og kemur hann fram annar í röðinni.
