Hætti að koma með afsakanir og lét drauminn rætast

Förðunarfræðingurinn Annika Vignisdóttir ákvað að fylgja hjartanu og mun á næstu dögum opna sína eigin netverslun með förðunarvörur, Nordic Beauty. Ætlar hún einnig að bjóða upp á námskeið og fleira spennandi í kringum þetta nýja verkefni.

„Ég elska förðunarvörur og allt sem tengist þeim hvort sem það er að farða, skoða, markaðssetja eða horfa á myndbönd af förðunarvörum og það heillar mig einnig að vinna sjálfstætt. Mér finnst ótrúlega gaman deila vörum með öðrum og mér finnst gaman að gefa öðrum ráð. Ég ákvað bara að fylgja hjartanu og gera það sem ég hef áhuga á,“ segir Annika í samtali við Vísi. Hún hafði hugsað um það í nokkur ár en aldrei látið verða að því. Vefverslun Anniku fékk nafnið Nordic Beuty.

„Ég hef alltaf komið með afsakanir fyrir að gera þetta ekki en ákvað núna bara að koma með afsakanir fyrir að gera þetta, því þetta er það sem mig langar að gera og hef áhuga á. Ég byrjaði að vinna á snyrtistofum og förðunarverslunum um 18 ára. Ég lærði svo förðun í kringum 2008 fyrir um tíu árum síðan. Hef verið í þessum bransa síðan þá, allt frá því að farða, halda námskeið, kynna, blogga og markaðssetja förðunarvörur.“

Annika valdi merkin út frá persónulegri reynslu og ætlar að bjóða upp á tvö merki sem eru ekki fáanleg hér á landi.

„Bæði merkin eru bæði cruelty free og bjóða upp á fjölbreytt úrval. Þessi merki eru algjörir gullmolar sem ég hef leitað í aftur og aftur í gegnum árin og mig langaði til að deila ást minni á þessum merkjum með öðrum og hafa eitthvað nýtt og spennandi upp á að bjóða. Bæði merkin eru bæði cruelty free og bjóða upp á fjölbreytt úrval. Make-up Atelier eru franskar vörur sem eru afar vinsælar á meðal förðunarfræðinga og eru vel þekktar í bransanum. Sjálf lærði ég á þessar vörur á sínum tíma fyrir 10 árum síðan og hef alltaf saknað þeirra mikið. Face Stockholm er merki sem kemur frá Stokkhólmi. Merkið er ótrúlega flott og býður upp á einstakt litaúrval og hágæða vörur. Merkið er stórt úti í Svíþjóð og eru Face Stockholm búðir út um allt.“

Hún segist ástfangin af þessum vörum og er mjög spennt að fá að kynna þær fyrir fleirum. Nordic Beauty mun einnig bjóða upp á förðunarnámskeið, kynningar og förðun.

„Uppáhalds vörurnar frá Make-up Atelier er án efa Fluid farðinn og fluid hyljarinn, áferðin er engu öðru líkt, en þess má geta að Wayne goss „Youtube-ari“ er einmitt mikil aðdáandi þessa farðas líka, en Fluid foundation farðinn er einn af topp fimm uppáhalds förðunum hans núna 2018. Einnig vil ég nefna augnskuggana, uppáhalds pallettan mín þar heitir Smoky Brown og svo er það augabrúnablýantarnir frá þeim, þeir eru fáránlega góðir.

Mínar uppáhalds vörur frá Face Stockholm eru varalitirnir og mínir uppáhalds litir heita Earth og Njuta,  einnig er ég rosalega hrifin af kremaugnskuggunum, en þeir haldast á allan daginn og eru frábærir undir aðra augnskugga líka, því þeir virka eins og augnskuggagrunnar. Síðast en ekki síst vil ég nefna augnblýantana, en ég er hrifnust af litunum Gra og Mörkebrun.“