Aron og félagar með fjögurra marka sigur

Barcelona styrkti stöðu sína á toppi spænsku úrvalsdeildarinnar í handbolta með fjögurra marka sigri á Puerta Sagunto í dag.

Um var að ræða fyrsta leik í deildinni eftir EM fríið og þurftu Börsungar ekkert að hafa allt of mikið fyrir hlutunum en staðan í leikhléi var 10-17, Börsungum í  vil.

Katalóníurisinn hefur algjöra yfirburði í spænskum handbolta en þeir slökuðu á klónni í síðari hálfleik og unnu að lokum fjögurra marka sigur, 29-33.

Barcelona nú með ellefu stiga forystu á toppi deildarinnar og stefnir allt í að liðið vinni deildina í 25.sinn.