131 lögreglumál í gærkvöldi

Mikið var um að vera á höfuðborgarsvæðinu í gær vegna Menningarnætur og var gríðarlega erilsamt hjá lögreglu. Upp komu 131 mál alls. 10 aðilar gistu fangageymslur vegna ýmissa mála.

Mikið var um ölvun í miðbænum og var hellt niður þó nokkru af áfengi hjá unglingum undir aldri. Einnig var mikið um slagsmál og stympingar á meðal ungmenna.

Greint hefur verið frá tvemur líkamsárásum og talsvert var um ölvunarakstur í allri borginni.

Lögreglan var kölluð til tvisvar vegna gruns um heimilisofbeldi.