Ragnar með sex í tapi gegn Kiel

Ragnar Jóhannson skoraði sex mörk fyrir Huttenberg í tapi gegn Alfreð Gíslasyni og lærisveinum hans í Kiel.

Fyrir leikinn var Huttenberg í næstneðsta sæti deildarinnar á meðan Kiel var að berjast við toppinn.

Það voru lærisveinar Alfreðs sem voru með yfirhöndina allan leikinn og fóru með forystuna í leikhlé 19-13.

Kiel vann að lokum sannfærandi tólf marka sigur en markahæstur í liði Kiel var Niclas Ekberg með níu mörk. Markahæstur í liði Huttenberg var Ragnar Jóhannson með sex mörk.

Eftir leikinn er Huttenberg í neðsta sæti deildarinnar á meðan Kiel er í 5. sæti með 29 stig.