Neyðarútgangar voru læstir og slökkt var á brunabjöllum

Neyðarútgangar í verslunarmiðstöð í Rússlandi þar sem mannskæður eldur kom upp á sunnudaginn voru læstir. Minnst 64 dóu í brunanum í Kemerovo og þar af flestir börn og í ljós hefur komið að öryggisvörður slökkti á brunabjöllum þegar þær fóru í gang. Rannsakendur hafa handtekið fjóra aðila eftir að í ljós kom að fjölmargar öryggisreglur hefðu verið brotnar í húsnæðinu.

Samkvæmt frétt Tass fréttaveitunnar, sem er í eigu rússneska ríkisins, verður fimmti maðurinn, sá sem slökkti á brunabjöllunum, mögulega einnig handtekinn.



„Öryggisreglur voru brotnar bæði við byggingu verslunarmiðstöðvarinnar og við rekstur hennar,“ sagði talskona rannsakendanna. „Sérstaklega með tilliti til þess að neyðarútgangar voru læstir.“

Eldurinn kom upp á fjórðu hæð byggingarinnar og breiddist mjög hratt út. Auk þeirra 64 sem dóu leituðu 52 aðhlynningar og þar af eru tólf enn á sjúkrahúsi.

Eldsvoðinn kom upp í þeim hluta verslunarmiðstöðarinnar þar sem er meðal annars kvikmyndahús og keilusalur. Mörg barnanna sem talið er að hafi látist í eldsvoðanum voru stödd í kvikmyndahúsinu en talið er að þakið hafi hrunið í tveimur bíósölum.

 

WAIT FOR IT @firefighter0551 - . ___Want to be featured? _____ Use hastag chiefmiller WWW.CHIEFMILLERAPPAREL.COM . . CHECK OUT! Facebook- chiefmiller1 Periscope -chief_miller Tumblr- chief-miller Twitter - chief_miller YouTube- chief miller Vero - chief miller TAG A FRIEND WHO NEEDS TO SEE THIS. Please be sure to Like and Comment.

A post shared by Chief Miller (@chief_miller) on Mar 26, 2018 at 6:00am PDT