Jólaspá Siggu Kling – Hrúturinn: Þú ert að hugsa um einhverskonar uppgjör í lífi þínu

Elsku Hrúturinn minn, þú hefur sterkt hlutverk í lífinu og hefur magnaðar skoðanir sem hrista oft rækilega upp í mönnum og málefnum og þú elskar að tala við fólk sem þorir að segja skoðanir sínar.

En það sem mun koma þér á áfram er að vera vingjarnlegri og það sem mun koma þér á framfæri verður með ljúfum og fallegum málróm. Það skiptir öllu máli hvernig þú segir hlutina þessa dagana, þó þú hafir alveg rétt fyrir þér skiptir það engu máli því að röddin er söngur sálarinnar og þú hefur svo sterkt hlutverk og töfrandi framkomu að þú gætir verið kvikmyndastjarna.

Þú gerir allt fyrir vini þína og það getur valdið þér miklu hugarangri og áhyggjum ef þeim gengur ekki nógu vel og þess vegna berðu meiri byrðar en flest önnur stjörnumerki, en ef einhver getur það þá ert það þú.

Þú ert að hugsa um einhverskonar uppgjör í lífi þínu og ég bið þig um að vera ekki fljótfær eða hvatvís því þú gætir séð eftir því. Leggðu rækt við það að vera góður við  þá sem þér jafnvel líkar ekki við því það á eftir að borga sig seinna. Þú ólgar af ástríðum sérstaklega á þínum yngri árum, en eftir því sem þú eldist kanntu betur að meta hið einfalda í ástinni sem styrkir grunn þinn og festir rætur þínar því þá eflist þú tvöfalt og verður sterkari með hverjum deginum.

Að vera spenntur fyrir einhverjum þýðir ekki maður elski hann, þú ert að byggja þér upp góðar aðstæður og gott heimili og það er að koma mikið öryggi í kringum þig og allskyns tilboð sem þú þarft að sýna athygli. Ef þú hefur tilfinningu fyrir því þú lítir ekki nógu vel út getur það dregið þig svo rosalega mikið niður, svo hættu slíkri útlitsdýrkun, sýndu bara hvað þú hefur mikið sjálfstraust því sjálfstraust er svo sexý og þú hefur meiri útlitsgeislun heldur en sjálfur ástarguðinn Venus.

Frægir Hrútar: Hera Björk Þórhallsdóttir söngkona, Silvía Lovetank listamaður, Marta María Jónasdóttir á Smartlandi, Björgvin Halldórsson söngvari, Kári Stefánsson vísindamaður, Vigdís Finnbogadóttir, fyrrverandi forseti, Hugh Hefner, Birgitta Jónsdóttir pírati, Anna Svava Knútsdóttir leikkona, Ólöf Erla, grafískur hönnunarsnillingur, Elton John söngvari, Salka Sól súperdrottning, Þóra í Atlanta, Sigmar Guðmundsson sjónvarpsmaður, Berglind Pétursdóttir, Steinunn Jónsdóttir, söngkona AmabAdamA, Þórhallur Þórhallsson uppistandari, Alda í Handy pandy, naglalistakona, Vala Grand, Hjálmar Forni listamaður, Jakob Bjarnar Grétarsson, Elín Björnsdóttir, fyrirlesari og kraftaverkakona, Guðbjörn Alexander Kling fótboltamaður, Theresa Rodriguez listamaður.