Arnar Bragi úr leik í sænska Idol

Knattspyrnumaðurinn Arnar Bragi Bergsson var sendur heim í kvöld í sænska Idolinu. Arnar Bragi var kominn alla leið í fjögurra manna úrslit og flutti hann lagið Against All Odds með Phil Collins í kvöld.

Arnar Bragi, sem kallaður er Bragi Bergsson í Svíþjóð, hafði slegið í gegn í þáttunum en fimmtán þúsund manns hófu leik í Idolinu og er hann því á meðal þeirra bestu þrátt fyrir úrslit kvöldsins.  

Þrátt fyrir að vera lipur söngvari var hann betur þekktur sem fótboltamaður hér á landi og spilaði með ÍBV og Fylki. Í dag spilar hann með C-deildar liðinu Utsiktens BK í Västra Frölunda nærri Gautaborg  í Svíþjóð.

Hægt er að sjá flutning Arnars Braga í kvöld í myndbandinu hér að neðan.