Lífið

Vaknaði með tönn úr vinkonu undir koddanum

Katrínu Elsu langar að verða leikskólakennari.
Katrínu Elsu langar að verða leikskólakennari. Fréttablaðið/Ernir

Hún Katrín Elsa Andradóttir er sjö ára gömul og er búin að læra að lesa. Það nýtir hún sér óspart til bóklesturs. Og hún les fleira. Ég les alltaf Fréttablaðið á morgnana til að sjá hvort það sé eitthvað spennandi að gerast.

Er eitthvað sérstakt í Fréttablaðinu sem þú skoðar dagsdaglega?
Já, skrípóið og krakkasíðan um helgar.

Í hvaða skóla ertu?
Hjallastefnuskólanum í Hafnarfirði.

Hlustar þú á tónlist?
Já, stundum.

Hvaða lag er í uppáhaldi?
Uppáhaldslagið mitt er High Top Shoes.

Áttu uppáhaldssöngvara eða söngkonu?
Jo Jo Siwa er best.

Finnst þér sjálfri gaman að syngja?
Nei, það finnst mér ekki.

Hvernig leikur þú þér helst?
Mér finnst skemmtilegast að leika úti. Ég er alltaf á trampólíni og svo er líka mjög skemmtilegt í fótbolta.

Hvað gerðir þú skemmtilegt í sumarfríinu?
Ég fór til Spánar til ömmu og afa og synti í sundlaug á hverjum degi. Ég fór líka í dýragarð og vatnsrennibrautagarð og tívolí.

Hvaða dýr er í mestu uppáhaldi hjá þér?
Gíraffi, hundur og köttur. Stóra systir mín á kött sem heitir Nico og er mjög skemmtilegur.

Hvað er það skrítnasta sem þú hefur lent í?
Einu sinni þegar Sísí vinkona mín gisti hjá mér setti hún tönnina sína undir koddann sinn en svo þegar ég vaknaði þá var tönnin hennar komin undir minn kodda. Samt sváfum við ekki í sama rúmi. Það var mjög skrýtið.

Hvað langar þig að verða þegar þú verður stór?
Leikskólakennari, því mér finnst lítil börn svo krúttleg og skemmtileg.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.