Viss um sakleysi Depardieu
Leikarinn Gérard Depardieu er sakaður um nauðgun og kynferðisofbeldi. Franskir miðlar greina frá þessu. Ung leikkona segist fórnarlamb leikarans. Lögmaður Depardieus sagði við fréttastofu AFP að hann neitaði alfarið sök.
„Ég átti langan fund með Gérard Depardieu og er algjörlega viss um að sakleysi hans verður sannað,“ sagði lögmaðurinn svo við France Info.
Leikkonan kærði Depardieu til lögreglu á mánudaginn en Depardieu er einn af þekktustu leikurum Frakklands. Hefur hann leikið í myndum á borð við Cyrano de Bergerac og Jean de Florette.
Glæpurinn sem Depardieu er sakaður um á að hafa átt sér stað fyrr í mánuðinum á einu heimila hans í París. Umboðsmaður leikkonunnar sagði meinta árás hafa haft afar slæm áhrif á hana.
Tengdar fréttir
Gérard Depardieu sakaður um nauðgun
22 ára gömul leikkona lagði fram kæru á mánudaginn og á nauðgunin að hafa átt sér stað á heimili Depardieu í París í byrjun ágúst.
