Arnór Ingvi er með mömmu og pabba á handleggnum

Arnór Ingvi Traustason skartar ansi voldugu húðflúri á vinstri handleggnum. Þar er meðal annars fjölskyldumynd af honum með foreldrum sínum.

„Svo er ég með upphafsstafi allra systkinanna minna líka þarna. Svo er ég líka með setningar tattúveraðar sem skipta mig máli," segir Arnór Ingvi augljóslega stoltur af verkinu.

„Ég kláraði þetta fyrir ári síðan. Ég er mjög ánægður með þetta og gott að hafa mömmu og pabba alltaf til staðar. Það var Gunnar Valdimarsson sem gerði þetta og ég lá vel yfir þessu áður en ég ákvað að smella þessu á mig. Eftir að ég byrjaði var ekki aftur snúið."

Vísir er með öflugt teymi í Rússlandi sem verður með ítarlegan fréttaflutning af íslenska liðinu á HM. Fylgist með á samfélagsmiðlum okkar - á Facebook, Twitter og Instagram.