Deila persónulegum gögnum með meintri þjóðaröryggisógn Þórgnýr Einar Albertsson skrifar 7. júní 2018 06:00 Mark Zuckerberg, forstjóri og stofnandi Facebook, þegar hann kom fyrir nefnd öldungadeildar Bandaríkjaþings í apríl. Vísir/getty Samfélagsmiðlarisinn Facebook, sem starfrækir miðla á borð við Messenger, Facebook, Instagram og WhatsApp, deilir gögnum um notendur sína með að minnsta kosti fjórum kínverskum tæknifyrirtækjum. Þar með talinn er símaframleiðandinn Huawei, sem bandarískar leyniþjónustustofnanir hafa sagt að þjóðaröryggisógn stafi af vegna meintra tengsla við kínversk yfirvöld. Facebook staðfesti tilvist samninganna í fyrrinótt en auk Huawei er um að ræða tölvuframleiðandann Lenovo Group og símaframleiðendurna OPPO og TCL Corp. Alls eru fyrirtækin, sem Facebook hefur gert slíka gagnadeilingarsamninga við, um sextíu talsins, Fyrirtækið sagði þó að gildistími rúmlega helmings samninganna væri liðinn. Þá var tilkynnt að samningnum við Huawei yrði rift síðar í vikunni og samningunum við hin kínversku fyrirtækin sömuleiðis með tíð og tíma. The New York Times greindi fyrst frá tilvist samninganna á þriðjudag en þeir voru gerðir undir lok síðasta áratugar, áður en sérstakt Facebook-app var tekið í almenna notkun. Gáfu þeir kínversku fyrirtækjunum heimild til að bjóða upp á ákveðna eiginleika Facebook í símum sínum. Bandaríska alríkislögreglan (FBI), leyniþjónustan (CIA) og þjóðaröryggisstofnunin (NSA) vöruðu bandaríska neytendur við því í febrúar að kaupa snjallsíma úr smiðju Huawei. Toppar stofnananna komu fyrir upplýsingamálanefnd öldungadeildar þingsins og sögðu að öryggisógn stafaði af fyrirtækjunum. „Það fylgir því ákveðin áhætta að leyfa fyrirtæki, skuldbundnu erlendri ríkisstjórn, að starfa innan fjarskiptainnviða ríkisins,“ sagði Chris Wray alríkislögreglustjóri á fundinum og bætti við: „Það gerir fyrirtækinu kleift að breyta eða stela upplýsingum og auðveldar þeim njósnir.“ Huawei er þriðji stærsti snjallsímaframleiðandi heims. Þrátt fyrir það hefur fyrirtækinu ekki tekist að brjótast inn á Bandaríkjamarkað, einkum vegna fyrrnefndra áhyggna. Í apríl sagði Richard Yu, forstjóri Huawei, að fyrirtækið ætlaði sér toppsætið og að vinna traust bandarískra neytenda.Huawei er meðal þriggja stærstu snjallsímaframleiðenda heims.Vísir/Epa„Þessar áhyggjur byggjast á órökstuddum grun og eru í rauninni ósanngjarnar. Við erum opin fyrir gegnsæjum viðræðum á staðreyndagrundvelli,“ sagði Yu við CNET í apríl. Hér á Íslandi selja til að mynda Síminn og Elko síma frá Huawei. Vert er þó að taka fram að engar upplýsingar um meintar njósnir Huawei fyrir kínversk yfirvöld hafa komið fyrir augu almennings. Allt frá því Cambridge Analytica-hneykslið svokallaða komst í fréttirnar á dögunum hafa stjórnmálamenn og fjölmiðlar vestanhafs fylgst náið með aðgerðum Facebook. Kom Mark Zuckerberg forstjóri sjálfur til að mynda fyrir báðar deildir þingsins til að svara spurningum og játaði að mistök hefðu verið gerð þegar persónulegum upplýsingum var deilt með áróðursfyrirtækinu. Og ljóst er að bandarískir stjórnmálamenn hafa áhyggjur af samningnum nú. Demókratinn Mark Warner, varaformaður upplýsingamálanefndarinnar, sagði við The New York Times að fréttirnar væru mikið áhyggjuefni. „Ég hlakka til að heyra meira um það hvernig Facebook kom í veg fyrir að gögnin væru vistuð á kínverskum vefþjónum,“ sagði Warner. Facebook hefur sagt að fyrirtækið hafi haft fulla stjórn á upplýsingaflæðinu. „Við viljum hafa það á hreinu að allar upplýsingar voru vistaðar á símunum sjálfum, ekki á vefþjónum Huawei,“ sagði Francisco Varela, varaforseti hjá Facebook. Debbie Dingell, fulltrúadeildarþingmaður og Demókrati, sagði í gær að málið væri reginhneyksli. Bandaríkjamenn ættu ekki að þurfa að hafa áhyggjur af því að persónulegar upplýsingar þeirra gætu verið vistaðar á vefþjónum í Kína. Fulltrúadeildin þyrfti að rannsaka málið ofan í kjölinn og koma í veg fyrir að þetta geti endurtekið sig. „Af hverju fær Huawei, fyrirtæki sem leyniþjónustusamfélagið okkar hefur sagt ógn við þjóðaröryggi, aðgang að persónulegum upplýsingum okkar? Í ljósi fjölda notenda Facebook yrðu möguleg áhrif á friðhelgi einkalífs okkar og þjóðaröryggi gríðarleg,“ sagði Dingell. Marco Rubio, öldungadeildarþingmaður og Repúblikani, tók í sama streng. „Af hverju upplýsti Facebook ekki um þennan samning fyrir löngu? Þetta er ekki sambærilegt samningum við aðra framleiðendur. Suðurkóreska ríkisstjórnin stýrir hvorki né notar Samsung eins og Kína stýrir og notar Huawei,“ sagði Rubio. Birtist í Fréttablaðinu Facebook Tengdar fréttir Segir Cambridge Analytica hafa verið eyðilagt af bitrum og öfundsjúkum uppljóstrara Alexander Nix, fyrrverandi forstjóri greiningarfyrirtækisins Cambridge Analytica, segir að honum hafi liðið eins og fórnarlambinu í umfjöllun fjölmiðla um fyrirtækið sem leiddi til þess að það lagði upp laupana fyrir um mánuði síðan. 6. júní 2018 23:15 Segja Facebook stunda persónunjósnir Mark Zuckerberg er sakaður um að hafa þróað aðgerðaáætlun fyrir Facebook sem miðaði að því að nýta sér mikið magn persónulegra upplýsinga notenda til þess að fyrirtæki hans gæti grætt milljarða og gert út af við keppinauta. 25. maí 2018 06:00 Bandarísk yfirvöld rannsaka Cambridge Analytica Alríkislögreglan FBI hefur meðal annars rætt við vitni og sóst eftir viðtölum við fyrrverandi starfsmenn og banka breska ráðgjafarfyrirtækisins. 16. maí 2018 11:02 Mest lesið Skelltu líka í lás á Exit og í Nýju vínbúðinni Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Endurgjöf: Það sem þú átt ekki að gera Atvinnulíf Tryggðu sér 300 milljóna króna fjármögnun Viðskipti innlent Eitruð vinnustaðamenning algeng og margfaldar líkur á kulnun Atvinnulíf Sagðir vilja frekar loka TikTok en selja Viðskipti erlent Töpuðu þremur milljörðum á fyrsta ársfjórðungi Viðskipti innlent Nú er hægt að elta góða veðrið um landið með kortavef Já.is Samstarf Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Samfélagsmiðlarisinn Facebook, sem starfrækir miðla á borð við Messenger, Facebook, Instagram og WhatsApp, deilir gögnum um notendur sína með að minnsta kosti fjórum kínverskum tæknifyrirtækjum. Þar með talinn er símaframleiðandinn Huawei, sem bandarískar leyniþjónustustofnanir hafa sagt að þjóðaröryggisógn stafi af vegna meintra tengsla við kínversk yfirvöld. Facebook staðfesti tilvist samninganna í fyrrinótt en auk Huawei er um að ræða tölvuframleiðandann Lenovo Group og símaframleiðendurna OPPO og TCL Corp. Alls eru fyrirtækin, sem Facebook hefur gert slíka gagnadeilingarsamninga við, um sextíu talsins, Fyrirtækið sagði þó að gildistími rúmlega helmings samninganna væri liðinn. Þá var tilkynnt að samningnum við Huawei yrði rift síðar í vikunni og samningunum við hin kínversku fyrirtækin sömuleiðis með tíð og tíma. The New York Times greindi fyrst frá tilvist samninganna á þriðjudag en þeir voru gerðir undir lok síðasta áratugar, áður en sérstakt Facebook-app var tekið í almenna notkun. Gáfu þeir kínversku fyrirtækjunum heimild til að bjóða upp á ákveðna eiginleika Facebook í símum sínum. Bandaríska alríkislögreglan (FBI), leyniþjónustan (CIA) og þjóðaröryggisstofnunin (NSA) vöruðu bandaríska neytendur við því í febrúar að kaupa snjallsíma úr smiðju Huawei. Toppar stofnananna komu fyrir upplýsingamálanefnd öldungadeildar þingsins og sögðu að öryggisógn stafaði af fyrirtækjunum. „Það fylgir því ákveðin áhætta að leyfa fyrirtæki, skuldbundnu erlendri ríkisstjórn, að starfa innan fjarskiptainnviða ríkisins,“ sagði Chris Wray alríkislögreglustjóri á fundinum og bætti við: „Það gerir fyrirtækinu kleift að breyta eða stela upplýsingum og auðveldar þeim njósnir.“ Huawei er þriðji stærsti snjallsímaframleiðandi heims. Þrátt fyrir það hefur fyrirtækinu ekki tekist að brjótast inn á Bandaríkjamarkað, einkum vegna fyrrnefndra áhyggna. Í apríl sagði Richard Yu, forstjóri Huawei, að fyrirtækið ætlaði sér toppsætið og að vinna traust bandarískra neytenda.Huawei er meðal þriggja stærstu snjallsímaframleiðenda heims.Vísir/Epa„Þessar áhyggjur byggjast á órökstuddum grun og eru í rauninni ósanngjarnar. Við erum opin fyrir gegnsæjum viðræðum á staðreyndagrundvelli,“ sagði Yu við CNET í apríl. Hér á Íslandi selja til að mynda Síminn og Elko síma frá Huawei. Vert er þó að taka fram að engar upplýsingar um meintar njósnir Huawei fyrir kínversk yfirvöld hafa komið fyrir augu almennings. Allt frá því Cambridge Analytica-hneykslið svokallaða komst í fréttirnar á dögunum hafa stjórnmálamenn og fjölmiðlar vestanhafs fylgst náið með aðgerðum Facebook. Kom Mark Zuckerberg forstjóri sjálfur til að mynda fyrir báðar deildir þingsins til að svara spurningum og játaði að mistök hefðu verið gerð þegar persónulegum upplýsingum var deilt með áróðursfyrirtækinu. Og ljóst er að bandarískir stjórnmálamenn hafa áhyggjur af samningnum nú. Demókratinn Mark Warner, varaformaður upplýsingamálanefndarinnar, sagði við The New York Times að fréttirnar væru mikið áhyggjuefni. „Ég hlakka til að heyra meira um það hvernig Facebook kom í veg fyrir að gögnin væru vistuð á kínverskum vefþjónum,“ sagði Warner. Facebook hefur sagt að fyrirtækið hafi haft fulla stjórn á upplýsingaflæðinu. „Við viljum hafa það á hreinu að allar upplýsingar voru vistaðar á símunum sjálfum, ekki á vefþjónum Huawei,“ sagði Francisco Varela, varaforseti hjá Facebook. Debbie Dingell, fulltrúadeildarþingmaður og Demókrati, sagði í gær að málið væri reginhneyksli. Bandaríkjamenn ættu ekki að þurfa að hafa áhyggjur af því að persónulegar upplýsingar þeirra gætu verið vistaðar á vefþjónum í Kína. Fulltrúadeildin þyrfti að rannsaka málið ofan í kjölinn og koma í veg fyrir að þetta geti endurtekið sig. „Af hverju fær Huawei, fyrirtæki sem leyniþjónustusamfélagið okkar hefur sagt ógn við þjóðaröryggi, aðgang að persónulegum upplýsingum okkar? Í ljósi fjölda notenda Facebook yrðu möguleg áhrif á friðhelgi einkalífs okkar og þjóðaröryggi gríðarleg,“ sagði Dingell. Marco Rubio, öldungadeildarþingmaður og Repúblikani, tók í sama streng. „Af hverju upplýsti Facebook ekki um þennan samning fyrir löngu? Þetta er ekki sambærilegt samningum við aðra framleiðendur. Suðurkóreska ríkisstjórnin stýrir hvorki né notar Samsung eins og Kína stýrir og notar Huawei,“ sagði Rubio.
Birtist í Fréttablaðinu Facebook Tengdar fréttir Segir Cambridge Analytica hafa verið eyðilagt af bitrum og öfundsjúkum uppljóstrara Alexander Nix, fyrrverandi forstjóri greiningarfyrirtækisins Cambridge Analytica, segir að honum hafi liðið eins og fórnarlambinu í umfjöllun fjölmiðla um fyrirtækið sem leiddi til þess að það lagði upp laupana fyrir um mánuði síðan. 6. júní 2018 23:15 Segja Facebook stunda persónunjósnir Mark Zuckerberg er sakaður um að hafa þróað aðgerðaáætlun fyrir Facebook sem miðaði að því að nýta sér mikið magn persónulegra upplýsinga notenda til þess að fyrirtæki hans gæti grætt milljarða og gert út af við keppinauta. 25. maí 2018 06:00 Bandarísk yfirvöld rannsaka Cambridge Analytica Alríkislögreglan FBI hefur meðal annars rætt við vitni og sóst eftir viðtölum við fyrrverandi starfsmenn og banka breska ráðgjafarfyrirtækisins. 16. maí 2018 11:02 Mest lesið Skelltu líka í lás á Exit og í Nýju vínbúðinni Viðskipti innlent Fjármálastjóri Play segir upp Viðskipti innlent Innsigla B5 að kröfu Skattsins Viðskipti innlent Reksturinn þungur í kjölfar „yfirgangs og afskipta lögreglu“ Viðskipti innlent Endurgjöf: Það sem þú átt ekki að gera Atvinnulíf Tryggðu sér 300 milljóna króna fjármögnun Viðskipti innlent Eitruð vinnustaðamenning algeng og margfaldar líkur á kulnun Atvinnulíf Sagðir vilja frekar loka TikTok en selja Viðskipti erlent Töpuðu þremur milljörðum á fyrsta ársfjórðungi Viðskipti innlent Nú er hægt að elta góða veðrið um landið með kortavef Já.is Samstarf Fleiri fréttir Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Segir Cambridge Analytica hafa verið eyðilagt af bitrum og öfundsjúkum uppljóstrara Alexander Nix, fyrrverandi forstjóri greiningarfyrirtækisins Cambridge Analytica, segir að honum hafi liðið eins og fórnarlambinu í umfjöllun fjölmiðla um fyrirtækið sem leiddi til þess að það lagði upp laupana fyrir um mánuði síðan. 6. júní 2018 23:15
Segja Facebook stunda persónunjósnir Mark Zuckerberg er sakaður um að hafa þróað aðgerðaáætlun fyrir Facebook sem miðaði að því að nýta sér mikið magn persónulegra upplýsinga notenda til þess að fyrirtæki hans gæti grætt milljarða og gert út af við keppinauta. 25. maí 2018 06:00
Bandarísk yfirvöld rannsaka Cambridge Analytica Alríkislögreglan FBI hefur meðal annars rætt við vitni og sóst eftir viðtölum við fyrrverandi starfsmenn og banka breska ráðgjafarfyrirtækisins. 16. maí 2018 11:02