Vopnahlé við talibana í Afganistan

Ashraf Ghani, forseti Afganistans, tilkynnti um að stjórnvöld þar hefðu náð samkomulagi við talibana um vopnahlé sem á að hefjast á þriðjudag og standa yfir í viku við lok ramadanföstunnar. Átök við aðra herskáa hópa eins og Ríki íslams hafa hins vegar áfram.

Ghani viðurkenndi talibana sem lögmæt stjórnmálasamtök í febrúar. Nú segist hann vona að vopnahléið verði þeim tækifæri til að líta inn á við og sjá að ofbeldisherferð þeirra fæli fólk frá frekar en að vinna þeim stuðning, að því er segir í frétt Reuters-fréttastofunnar.

Fleiri en tíu þúsund Afganir féllu í átök stjórnvalda og talibana í fyrra. Ghani hefur meðal annars lagt til vopnahlé og fangaskipti til að lægja öldurnar. Hann hefur einnig sagt koma til greina að boða til nýrra kosninga með þátttöku talibana.