Dansararnir syngja og söngvararnir dansa Gunnþóra Gunnarsdóttir skrifar 11. apríl 2018 08:00 Melkorka Sigríður, höfundur Vakúm og söngvararnir Auðunn og Gunnar umvafin álteppunum sem þau nota í sýningunni. Vísir/Sigtryggur Hvernig byrjaði allt? Af hverju erum við svona – en ekki öðruvísi? Hvernig var fyrsta orðið, fyrsta setningin, fyrsti hláturinn, fyrsta skrefið, hvernig varð fyrsta stríðið? Þetta eru spurningar sem poppóperan Vakúm snýst um. Melkorka Sigríður Magnúsdóttir er höfundurinn. „Vakúm er dans- og poppópera um tómið og hvað getur orðið til úr engu. Flókið verk að búa til, margir spottar að hnýta en þeim mun meiri tilhlökkun að sýna,“ segir hún. Brátt er biðin eftir því á enda því frumsýningin er á morgun, fimmtudag, í Tjarnarbíói og hefst klukkan 20.30. Vakúm er flutt af dönsurunum Ásgeiri Helga Magnússyni og Elísu Lind Finnbogadóttur og söngvurunum Gunnari Ragnarssyni úr Grísalappalísu og Auðuni Lútherssyni úr hljómsveitinni Auði. Melkorka segir skilin milli hlutverka listafólksins afmáð. „Dansararnir syngja líka, þeir hafa verið á söngæfingum hjá Gunna og Auðuni og Gunnar og Auðunn hafa verið í stífum dansæfingum, Gunni er búinn að missa nokkur kíló á þeim! Það ganga allir í allt.“ „Já, við erum mjög þverfagleg,“ segir Gunnar glaðlega. „Og það verður að koma fram að Vakúm er líka mikið stuðverk. Eiginlega flugeldasýning.“ Melkorka segir meðgöngutíma verksins hafa verið um tvö ár.Dansararnir einbeittir á sviðinu í Tjarnarbíói.„Ég var ekki með línulega frásögn í byrjun og fyrir mér sem dansara er það eðlilegt. Maður þarf bara eina hugmynd og fer svo eins langt inn í hana og maður getur og víkkar hana út. Ferlið var þannig að ég byrjaði að vinna með mömmu, Auði Övu rithöfundi, gaf henni fræ, hún vann texta úr þeim og ég fór með þá til Árna Rúnars sem sér um tónlistina.“ Melkorka kveðst einnig hafa haft listræna stjórnendur með sér. „Fræin sem út úr samstarfinu komu féllu í góðan jarðveg hjá dönsurum og söngvurum og heilmikill spuni tók við. Það er hægt að leika sér mikið með 150 álteppi sem taka ekki á sig form fyrr en við búum þau til en við erum samt trú textanum. Fyrst er forleikur, svo Miklihvellur, fæðing, sambönd, eða sambandsleysi, eyðing, stríð og út úr því verður annað upphaf svo allt er hringrás, vissulega.“ Gunnar tekur við og lýsir sinni hlið. „Ljóðin hennar Auðar Övu eru akkerið. Ég byrjaði að vinna út frá þeim. Söng þau við tónlistina hans Árna í FM Belfast. Samt eru þau ekki söngtextar í hefðbundnum skilningi en hljómsveitin mín er ljóða- og pönksveit svo fyrir mig var það ekki framandi. Þegar maður er svo kominn inn í senur í verkinu er maður bara í einhverju ævintýri og reynir að vera trúr sjálfum sér og túlka hvernig manni líður á þeim stað. Þetta er búið að vera mjög gaman, alls konar rytmi.“ „Við erum með skýra línu í Vakúm en það skemmtilega við dansverk er að hver og einn getur túlkað þau á sinn hátt,“ segir Melkorka. „Ég held að fólk vilji ekkert endilega dansverk með tilgangi og skýringum en þetta verk er hægt að ræða eftir á og það er líka hægt að njóta þess sem tónleika.“ Birtist í Fréttablaðinu Menning Mest lesið „Endurtek í sífellu: Ég vil ekki deyja, ég vil ekki deyja“ Áskorun Átta ára með sinn eigin bíl á bílasýningu á Akureyri Lífið Tíminn sem fór í að ræða perra inni í hreyfingunni með ólíkindum Lífið „Ég hef aldrei reynt að verða nokkur skapaður hlutur“ Tónlist Inga Tinna og Logi greina frá kyni barnsins Lífið „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið „Þetta lag minnir mig alltaf á að hafa tapað Idolinu“ Lífið Tengdasonur Íslands trúðaði Simon Cowell upp úr skónum Bíó og sjónvarp Þjóðarsálin í reiðhöllinni Lífið Fleiri fréttir „Þetta lag minnir mig alltaf á að hafa tapað Idolinu“ Tíminn sem fór í að ræða perra inni í hreyfingunni með ólíkindum Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Sjá meira
Hvernig byrjaði allt? Af hverju erum við svona – en ekki öðruvísi? Hvernig var fyrsta orðið, fyrsta setningin, fyrsti hláturinn, fyrsta skrefið, hvernig varð fyrsta stríðið? Þetta eru spurningar sem poppóperan Vakúm snýst um. Melkorka Sigríður Magnúsdóttir er höfundurinn. „Vakúm er dans- og poppópera um tómið og hvað getur orðið til úr engu. Flókið verk að búa til, margir spottar að hnýta en þeim mun meiri tilhlökkun að sýna,“ segir hún. Brátt er biðin eftir því á enda því frumsýningin er á morgun, fimmtudag, í Tjarnarbíói og hefst klukkan 20.30. Vakúm er flutt af dönsurunum Ásgeiri Helga Magnússyni og Elísu Lind Finnbogadóttur og söngvurunum Gunnari Ragnarssyni úr Grísalappalísu og Auðuni Lútherssyni úr hljómsveitinni Auði. Melkorka segir skilin milli hlutverka listafólksins afmáð. „Dansararnir syngja líka, þeir hafa verið á söngæfingum hjá Gunna og Auðuni og Gunnar og Auðunn hafa verið í stífum dansæfingum, Gunni er búinn að missa nokkur kíló á þeim! Það ganga allir í allt.“ „Já, við erum mjög þverfagleg,“ segir Gunnar glaðlega. „Og það verður að koma fram að Vakúm er líka mikið stuðverk. Eiginlega flugeldasýning.“ Melkorka segir meðgöngutíma verksins hafa verið um tvö ár.Dansararnir einbeittir á sviðinu í Tjarnarbíói.„Ég var ekki með línulega frásögn í byrjun og fyrir mér sem dansara er það eðlilegt. Maður þarf bara eina hugmynd og fer svo eins langt inn í hana og maður getur og víkkar hana út. Ferlið var þannig að ég byrjaði að vinna með mömmu, Auði Övu rithöfundi, gaf henni fræ, hún vann texta úr þeim og ég fór með þá til Árna Rúnars sem sér um tónlistina.“ Melkorka kveðst einnig hafa haft listræna stjórnendur með sér. „Fræin sem út úr samstarfinu komu féllu í góðan jarðveg hjá dönsurum og söngvurum og heilmikill spuni tók við. Það er hægt að leika sér mikið með 150 álteppi sem taka ekki á sig form fyrr en við búum þau til en við erum samt trú textanum. Fyrst er forleikur, svo Miklihvellur, fæðing, sambönd, eða sambandsleysi, eyðing, stríð og út úr því verður annað upphaf svo allt er hringrás, vissulega.“ Gunnar tekur við og lýsir sinni hlið. „Ljóðin hennar Auðar Övu eru akkerið. Ég byrjaði að vinna út frá þeim. Söng þau við tónlistina hans Árna í FM Belfast. Samt eru þau ekki söngtextar í hefðbundnum skilningi en hljómsveitin mín er ljóða- og pönksveit svo fyrir mig var það ekki framandi. Þegar maður er svo kominn inn í senur í verkinu er maður bara í einhverju ævintýri og reynir að vera trúr sjálfum sér og túlka hvernig manni líður á þeim stað. Þetta er búið að vera mjög gaman, alls konar rytmi.“ „Við erum með skýra línu í Vakúm en það skemmtilega við dansverk er að hver og einn getur túlkað þau á sinn hátt,“ segir Melkorka. „Ég held að fólk vilji ekkert endilega dansverk með tilgangi og skýringum en þetta verk er hægt að ræða eftir á og það er líka hægt að njóta þess sem tónleika.“
Birtist í Fréttablaðinu Menning Mest lesið „Endurtek í sífellu: Ég vil ekki deyja, ég vil ekki deyja“ Áskorun Átta ára með sinn eigin bíl á bílasýningu á Akureyri Lífið Tíminn sem fór í að ræða perra inni í hreyfingunni með ólíkindum Lífið „Ég hef aldrei reynt að verða nokkur skapaður hlutur“ Tónlist Inga Tinna og Logi greina frá kyni barnsins Lífið „Þetta er enginn helvítis félagskvíði, það bara þolir mig enginn“ Áskorun Segir hjálminum að þakka að hann sé á lífi Lífið „Þetta lag minnir mig alltaf á að hafa tapað Idolinu“ Lífið Tengdasonur Íslands trúðaði Simon Cowell upp úr skónum Bíó og sjónvarp Þjóðarsálin í reiðhöllinni Lífið Fleiri fréttir „Þetta lag minnir mig alltaf á að hafa tapað Idolinu“ Tíminn sem fór í að ræða perra inni í hreyfingunni með ólíkindum Átta ára með sinn eigin bíl á bílasýningu á Akureyri Heilmikil skemmtidagskrá og samsöngur á Þingvöllum í dag Inga Tinna og Logi greina frá kyni barnsins Segir hjálminum að þakka að hann sé á lífi Krakkatían: Níu líf, karfan og víkingar Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Sjá meira