Leiðin greið á EM

Ísland hafði heppnina með sér er dregið var í riðla fyrir undankeppni EM í handbolta karla sem fer fram í Noregi, Svíþjóð og Austurríki árið 2020. Dregið var í Noregi í dag, nánar tiltekið í Þrándheimi.

Íslenska liðið er með Tyrklandi, Makedóníu og Grikklandi í riðli og hafði heppnina með sér í drættinum. Af öllum stóru þjóðunum dróst Ísland með Makedóníu sem er afar vel sloppið.

Erlingur Richardsson og lærisveinar hans í Hollandi eru með Lettlandi, Slóveníu og Eistland. Holland ætti að vera í góðum möguleika á að komast áfram úr þessum riðli.

Tvö efstu liðin í hverjum riðli fara í lokakeppnina. Fjögur lið hafa nú þegar tryggt sér þáttökurétt á mótinu en það eru allir gestgjafarnir auk Evrópumeistara Spánar.

Men's #ehfeuro2020 draw live:
Group 1: GER, POL, ISR, KOS
Group 2: CRO, SRB, SUI, BEL
Group 3: MKD, ISL, TUR, GRE
Group 4: SLO, NED, LAT, EST
Group 5: BLR, CZE, BIH, FIN
Group 6: FRA, POR, LTU, ROU
Group 7: HUN, RUS, SVK, ITA
Group 8: DEN, MNE, UKR, FAR#dreamwinremember

— EHF EURO (@EHFEURO) April 12, 2018