Man. City varð sófameistari í enska boltanum í gær er Man. Utd tapaði óvænt gegn WBA. Fyrirliði City, Vincent Kompany, skemmti sér konunglega er hann fagnaði titlinum.

Hann var nefnilega í góðum hópi heima hjá stuðningsmanni Man. Utd sem var í treyjunni og átti líklega aldrei von á því að United myndi tapa leiknum.

Svipurinn á stuðningsmanninum í myndbandinu hér að neðan er hann þarf að óska Kompany til hamingju er ekkert minna en stórkostlegur.

Það er ekki í uppáhaldi hjá leikmönnum að verða sófameistarar en Kompany reyndi að gera gott úr þessu. Hann reif nokkra liðsfélaga sína með sér á pöbbinn þar sem þeir fögnuðu með stuðningsmönnum City.